Башкы прокуратура: "Мамлекеттик күзөт кызматынын мурдагы башчысы Дамир Мусакеев кызматтык батирлерди тизмеде акыркы болуп жазылгандарга берип салган"

УКМКнын мурунку бөлүм башчысы Дамир Мусакеев экс-президент Алмазбек Атамбаев менен БАЭге барып келгенден кийин суракка чакырылган. Бул тууралуу айтып чыккан КСДПнын өкүлү Кундуз Жолдубаева "Дамир Мусакеев негизсиз айыпталып жатат, бул нерсе Атамбаевдин жанында калган адамдарды жок кылуу аракети" деп билдирген эле.

Башкы прокуратура Мамлекеттик күзөт кызматынын мурдагы башчысы Дамир Мусакеевге кандай айып тагылып жатканы тууралуу маалымат таратты.

Белгилүү болгондой, Дамир Мусакеев УКМКнын 9-кызматынын башчысы болуп туруп 2016-2017-жылдары кызматтык абалынан кыянаттык менен пайдаланганы аныкталган.

"Ал Кыргыз Республикасынын Турак жай кодексинин талаптарын бузуп, үй алуу үчүн көп убакыттан бери кезекте турган кызматкерлер бар экенине карабай, кызматтык батирлерди тизмеде акыркы болуп жазылган жакын адамдарына бөлүштүрүп берген.

Мындай жол менен 15 кызматтык батир мыйзамсыз берилген. Анын ичинде мурун үй алган үч кызматкер кайра эле турак жай алганы белгилүү болгон. Натыйжада турак жайга муктаж болгон 9-кызматтын 18 кызматкери батир ала албай калган. Мусакеевдин мындай иш-аракеттеринин кесепетинен мамлекеттик бийликтин кадыр-баркы кетип, жарандардын мыйзамдуулукка болгон ишеними жоголгон.

Бир нече арыздардан кийин аталган факт боюнча кызматтык иликтөө жүрдү. Жогорудагы жагдайлар эске алынып, 7-февралда Бишкек гарнизонунун аскердик прокуратурасы Мусакеевге "кызматтык абалынан кыянаттык менен пайдалануу" беренеси боюнча кылмыш иши козголгондугу тууралуу билдирүү жөнөттү.

Ошол эле күнү Биринчи Май райондук соту Мусакеевге карата өлкө аймагынан сыртка чыкпоо боюнча чечим чыгарды. "Кызматтык батирлер жеке менчикке өткөн эмес, ошондуктан мамлекетке зыян келтирилген жок" деген пикирлер жөнсүз. Анткени Мусакеев кызматтык абалынан пайдалануу боюнча шектелип жатат. Айта кетүүчү нерсе, УКМКнын 9-кызматынын кызматкерлеринде кайсы бир убакыттан кийин турак жайды жеке менчикке өткөрүп алуу укугу бар", - деп билдирет Башкы прокуратуранын басма сөз кызматы.

Мындан сырткары буга чейин турак жайды бөлүштүрүүдө кызмат абалынан пайдаланганы үчүн коргоо министри жана анын орун басары кылмыш жоопкерчилигине тартылганын кошумчалашты.

Автор: Айпери Ганыжан кызы

16:24 09-02-2019

Жазылуу

РУБРИКАДАГЫ СОҢКУ КАБАРЛАР

12:46 2025-05-11 | Коом жана турмуш

"Кыргыз айымынын изи калды". Асел Байбагышева Эверестти багындырды 130 0

12:02 2025-05-11 | Спорт

Валентина Шевченко жеңиштен кийин чимириле бийледи (видео) 548 0

11:45 2025-05-11 | Спорт

Баракелде! Валентина Шевченко чемпиондук курун коргоп калды (видео) 703 0

11:23 2025-05-11 | Түркүн дүйнө

Трамп мыйзамсыз миграцияга каршы атайын программа иштелип чыкканын айтты 322 0

10:52 2025-05-11 | Коом жана турмуш

ТИМ Стамбулда кармалган кыргыз мугалими боюнча маалымат таратты 667 0

10:30 2025-05-11 | Түркүн дүйнө

Путин Украина бийлигин 15-майга Стамбулга чакырды (видео) 1258 0

Архив

Комментарийлер (6)

Nursbaike

2019-02-09 17:19:05

Качан тойот булар эптеп жесем озумку кылсам арам экенин билесинерби? Арам жегендееер байбыз деп керсейбегиле арам жегендер

Jelezo

2019-02-09 17:58:02

Мыйзамды билбесен кызматка барбай эле Атамбаевди кайтарып журо берсен бул баш оору жок эле го.

naida81

2019-02-11 10:58:46

Jelezo,эн башкысы азыркы бийликтегилердей болуп "саткын" болгон жок, азамат, эркексин...! сенден улгу алышсын азыркы бийлик, болбосо жаны бийликтеги кызматын сактап калуу учун 5 мунотто саткынга айланып койсо мунун баары болбойт болучу, кызматы болот эле, же саткын болгону учун дагы жогорку кызматка отурат эле. Эн башкысы адам бойдон калуу кажет

Umakg

2019-02-10 10:34:04

Мага да уй бергилечи алайынчы жер участок болсода

Bazake

2019-02-11 10:27:50

АШАга таянган Д. Му[moderated]ев УКМКнын 9-кызматына бөлүнгөн 15 кызматтык жаңы батирлерди кезекте узак жылдарлан бери алдыңкы орунда турган кызматкерлердин укугун тебелеп, КР Турак-жай кодексин да көзүнө илбей, кезектин артында турган өзүнүн жакын досторуна таратып берген экен. Ал досторунун үчөө мурда дагы мамлекеттен батир алышканына да караган эмес.

naida81

2019-02-11 10:45:21

Жалгыз Му[moderated]ев калды эле, эптеп каралаш керек болуп бир нерсе таап чыгышты окшойт, азыркы бийлик да эртедир-кечтир бийликтен кетээрин, оздору да ушул абалга келип калаарын ойлоп жатышат болду бекен? Азыр ким, эмне кылып кыйратып жатат? Бул бийликтин кишилери деле пара менен кармалып жатышпайбы, кармалбагандары канча? Тарыхты мылтык менен атсан келечек сени замбирек менен тосуп алаарын унутпагыла, откон бийликтин былыгын чукугунга убакыт коротпой, олкону бугун кантип онуктурууну ойлонсоно

Комментарий калтыруу үчүн өз ысымыңыз менен кириңиз же каттоодон өтүңүз.