Футбол боюнча Кыргыз улуттук курамасынын коргоочусуна Германиядан операция жасалды

Футбол боюнча улуттук кураманын коргоочусуна Германияда операция жасалды. Бул тууралуу Футбол федерациясы кабарлады.

"Кыргыз курама командасынын оюнчусу Виктор Майерге Германиянын Кёльн шаарында ийгиликтүү операция жасалды", - деп айтылат маалыматта.

Виктор Майер Азия Кубогуна даярдык көрүү максатында Катарда өткөн окуу-машыгуу жыйындары учурунда жаракат алып калган. Жаракатына байланыштуу Майер Азия Кубогуна катышпай, ордуна "Дордой" клубунун оюнчусу Павел Сидоренко курама командага кошулган.

Виктор Майер Кыргыз улуттук курама командасында 2015-жылдан бери ойноп келет. Майер курам менен 15 беттешке катышып, 1 гол киргизген. Учурда 29 жаштагы коргоочу германиялык "Виденбрюк" футболдук клубу менен келишими бар.

Автор: Бекболот Сарыбаев