Актриса Назира Бердигулова кыздуу болду

Бүгүн, 22-февралда теле алып баруучу, актриса Назира Бердигулова кыздуу болду. Бул тууралуу ал SUPER.KG`ге айтып берди.

Маалым болгондой, актриса Бишкектеги жеке клиникалардын биринде көз жарган.

"Эртең менен толгоом башталып, төрөтканага саат 8ге жакын жетип, 8:15те көз жардым. Учурда кызым экөөбүздүн тең ден соолугубуз жакшы. Азыр акырындан жыйналып, элдин куттуктоолорун кабыл ала баштадым. Азырынча наристебизге ысым ыйгара элекпиз", - дейт ал.

Ошондой эле жакында эле эне статусуна ээ болгон ырчы Кундуз Канатбек кызы экөө бир төрөтканадан көз жарганын кошумчалады.

Айта кетсек, Назира Бердигулованын Шахиризада аттуу кызы жана Нурислам деген уулу бар.

Автор: Наргиза Талантбекова