Ош шаары түрк дүйнөсүнүн маданий борбору катары жарыяланды

Вице-премьер-министри Алтынай Өмүрбекова Түрк маданиятынын эл аралык уюмунун башкы катчысы Дүйсен Касеинов менен жолугушту. Бул тууралуу кечээ, 22-февралда өкмөттүн басма сөз кызматы билдирди.

Маалыматка ылайык, жолугушуунун жүрүшүндө 2019-жылы Ош шаары түрк тилдүү мамлекеттердин маданий борбору катары жарыялануусу алкагындагы иш-чараларды өткөрүүгө даярдык көрүү боюнча уюштуруу маселеси талкууланды.

Алтынай Өмүрбекова белгилегендей, Кыргыз эли үчүн Ош шаары Түрк дүйнөсүнүн маданий борбору катары тандалып алынышы абдан маанилүү. "Аталган иш-чара алагында өлкөгө бир катар эл аралык уюмдардын өкүлдөрү келет, ошол эле учурда мунун өзү республикага туристтерди тартууда да мыкты өбөлгө түзөт. Бизде ири эл аралык иш-чараларды өткөрүү боюнча тажрыйба жетиштүү. Ош шаары өзүн Түрк тилдүү мамлекеттердин маданий борбору наамына татыктуу деңгээлде көрсөтөт деп ишенебиз", – деди Өмүрбекова.

Дүйсен Касеиновдун айтымында, Кыргыз Республикасы Ош шаарында Түрк тилдүү мамлекеттердин маданий борбору иретинде тийиштүү иш-чараларды өткөрүү үчүн белгилүү деңгээлдеги чыгармачыл мүмкүнчүлүккө эгедер. "Биз шаар жана анын инфраструктурасы менен жакындан таанышып чыктык, Ош шаары жогорку деңгээлдеги иш-чараны ийгиликтүү өткөрүү үчүн тийиштүү шарттарга ээ экендигин билдире алабыз", - деп кошумчалады ал.

Ош шаары Түрк дүйнөсүнүн маданий борбору катары жарыяланышы боюнча чечим 2019-жылы Түркиянын Кастамону шаарында 2018-жылдын 18-декабрында өткөн ТҮРКСОЙдун курамындагы өлкөлөрдүн маданият министрлеринин туруктуу кеңешинин 36-жыйынында кабыл алынган.

Кыргыз өлкөсүнүн шаары алгачкы ирет Түрк дүйнөсүнүн маданий борбору катары жарыяланып жатат.

10:36 23-02-2019

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

22:17 2024-05-13 | Коом жана турмуш

"Университеттен айдалбайсың". Түркияда билим алып жаткан Айкан түрк университеттериндеги өзгөчөлүктөрдү айтып берди 551 0

21:40 2024-05-13 | Спорт

Кыргыз волейболчулары Иранды 3:0 эсебинде утуп алышты 592 0

21:07 2024-05-13 | Маданият, шоу-бизнес

"Кыргызстанга кош кел!". "D Billions" Кыргызстан тууралуу ырга клип тартты 600 0

20:59 2024-05-13 | Спорт

Казак бийлиги Дүйнөлүк көчмөндөр оюндарынын программасын өзгөрттү 1205 0

20:13 2024-05-13 | Коом жана турмуш

Бишкек мэриясынын кызматкерлерине жумасына 2 күн жумушка өз унаасы менен келүүгө тыюу салынды 715 0

19:37 2024-05-13 | Кылмыштар, кырсыктар

Ошто "Йакын инкар" диний-экстремисттик агымынын мүчөлөрү текшерүүгө алынды (видео) 688 0

Архив

Комментарийлер (3)

aibars

2019-02-23 11:29:39

Кагылайын Ошум кооз шаар, буйруса насип кылса бир барып келсем.

bessmertiy

2019-02-23 21:29:43

Ош шаарым, Ош шаарым менин! Тилеймин сага, Жашай бер дайым!

Take_men

2019-02-24 12:15:06

Ош Орто Азиядагы эң байыркы шаар. Самарканд Бухара Хивалар 2500-2700 жыл мурун түптөлсө Ош шаары 3000 жыл мурун түптөлгөн. Бул так далилденгени. 3 миңден да байыркы болушу мүмкүн

Комментарий калтыруу үчүн өз ысымыңыз менен кириңиз же каттоодон өтүңүз.