Бүгүн, 23-февралда Бишкек шаарындагы "Аккула" ат майданында Ата Мекенди коргоочулар күнүнө арналган көк бөрү боюнча мелдеш болуп өттү. Анда бул мелдешке Жогорку Кеңеш, өкмөт, Жаштар иштери, дене тарбия жана спорт мамлекеттик агенттиги, жалпыга маалымдоо каражаттарынын командалары катышты.
Мелдештин жыйынтыгында Жогорку Кеңештин депутаттарынан түзүлгөн команда жеңишке жетти. Алар финалдык беттеште өкмөттүн курамасы менен беттешип, 2:0 эсебинде утуп алганга үлгүрдү. 3-орунда журналисттерди утуп алган Жаштар иштери, дене тарбия жана спорт мамлекеттик агенттигинин курамасы жайгашса, 4-орунда жалпыга маалымдоо каражаттарынын өкүлдөрү болду.