КСДП фракциясында энергетика тармагындагы инвестициялык долбоорлорду ишке ашыруу тууралуу маселе каралат

Бүгүн, 1-мартта КСДП фракциясынын жыйыны өтөт. Бул тууралуу Жогорку Кеңештин сайтына жарыяланды.

Анда өкмөттүн энергетикалык коопсуздукту камсыз кылуу, энергетика секторун өнүктүрүү багытындагы иши жөнүндө маселе каралат. Ошону менен катар эле CASA-1000 жана башка энергетика тармагындагы инвестициялык долбоорлорду ишке ашыруу талкууланат. Баяндаманы биринчи вице-премьер-министр Кубатбек Боронов, Өнөр-жай, энергетика жана жер казынасын пайдалануу мамлекеттик комитетинин төрагасы Эмил Осмонбетов жасайт.

Автор: Жылдыз Джускембаева