Айсулуу Тыныбекова Болгариядагы эл аралык мелдеште коло медаль тагынды

Спортчу Айсулуу Тыныбекова Болгарияда өтүп жаткан күрөш боюнча эл аралык мелдеште коло медаль утуп алды.

1-мартта 1/8 финалдык беттештер 62 килограмм салмак чениндеги спортчулар арасында болду. Анда Айсулуу Тыныбекова италиялык спортчу Аврора Кампанью менен күч сынашып, аны 11:0 эсебинде жеңди.

Чейрек финалда швециялык спортчуну 8:1 эсебинде утуп алды.

Украинанын спортчусу Юлия Ткач Остапчук менен болгон күрөштө Тыныбекова 10:11 эсебинде утулуп, финалга чыгуу мүмкүнчүлүгүнөн ажырап калды.

Коло медаль үчүн күрөштө ал швециялык Малин Ойханна Маттссон менен кез келди. Аны 4:1 эсебинде утуп, коло медалга ээ болду.

Автор: Айпери Ганыжан кызы