Бишкек ЖЭБиндеги мүчүлүштүк толугу менен калыбына келтирилди

Бишкек ЖЭБиндеги мүчүлүштүк толугу менен калыбына келтирилди. Бул тууралуу SUPER.KG'ге "Электр станциялары" ишканасынын басма сөз кызматы кабарлады.

Маалым болгондой, бүгүн 14-март күнү саат 12:30 чамаларында ЖЭБдеги электр жабдуусу (шиналардын биринчи системи 110 кВ) өчүп калган.

Мунун негизинде технологиялык коргоо шарттарына ылайык казан жана турбина жабдуулары өчүрүлгөн. Буга байланыштуу Бишкектеги 5-кичи районунун тургундары ысык суусуз калышкан.

Ишкананын маалымат катчысы Тагжана Айдаралиева саат 18:30да жабдуунун режими толугу менен калыбына келтирилгенин билдирди. Учурда мүчүлүштүктүн келип чыгуу себептери иликтенүүдө.

Автор: Жамалидин Парманкулов