Нооруз майрамынын даярдыгына байланыштуу эртең Чүй кең көчөсүндө унаа кыймылына чектөө киргизилет

Нооруз майрамынын даярдыгына байланыштуу эртең Чүй кең көчөсүндө унаа кыймылына чектөө киргизилет. Бул тууралуу Бишкек мэриясынын басма сөз кызматы билдирди.

Ноорузга карата даярдыктар "Ала-Тоо" аянтында жүрөт. "19-мартта саат 17:00дөн 20:00гө чейин Чүй кең көчөсүндө Эркиндик бульварынан тартып Панфилов көчөсүнө чейинки аралыкта унаа кыймылына чектөө киргизилет. Унаа тыгынын алдын алуу максатында ички иштер органдары айдоочуларга алдын ала альтернативдүү маршруттарды тандоону сунуштайт", - деп айтылат маалыматта.

Автор: Айпери Ганыжан кызы