Семетей Султановдун Азия футбол конфедерациясынын вице-президенттигине койгон талапкерлиги эмне үчүн артка кайтарылган? Федерациянын жообу

Футбол федерациясынын мурдагы президенти Семетей Султанов Азия футбол конфедерациясынын вице-президенттигине койгон талапкерлигин азыркы жетекчилик артка кайтарып алганын 7-апрелде айтып чыкты.

Футбол федерациясы буга түшүндүрмө берди. Мекеменин басма сөз кызматы тараткан билдирүүгө караганда, мындай чечим кабыл алууга анын учурда федерацияга тиешеси жоктугу себеп болгон.

"Султановдун Азия футбол конфедерациясынын вице-президенттигине талапкерлиги 2018-жылдын ноябрында сунушталган. Ал учурда Султанов Кыргыз өлкөсүнүн Футбол федерациясынын президенти болуп турган. Ушул жылдын 7-январында федерациянын аткаруу комитетинин жыйынында ал өз каалоосу менен кызматтан кеткенин билдирген. Султанов мындан ары федерациянын президенти болбогондуктан 19-мартта аткаруу комитети анын талапкерлигин артка кайтарып алды", - деп билдиришти федерациядан.

Семетей Султанов Футбол федерациясынын президенттигинен ушул жылдын 7-январында өз каалоосу менен кеткен. Анын ордуна 9-февралда Канатбек Маматов шайланган.

Султанов Кыргыз Республикасынын Футбол федерациясын жетектеп келгенден бери футбол боюнча Кыргыз улуттук курама командасы дүйнөлүк рейтингде 206 кураманын арасынан 196-орундан (июль, 2012-жыл) 91-орунга чейин (декабрь, 2018-жыл) көтөрүлгөн.

Кыргыз Республикасынын улуттук курама командасы дүйнөлүк рейтингде 2018-жылдын март айындагы жыйынтыгы менен тарыхый рейтинг жаратып, 40 орунга чейин көтөрүлүп, 75-сапка турган.

Кошумчалап кетчү маалымат, Семетей Султанов экс-президент Алмазбек Атамбаевдин кызы Динаранын жолдошу.

Автор: Жамалидин Парманкулов

23:12 08-04-2019

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (1)

Nursbaike

2019-04-08 23:19:28

Молодец Атамбаевдин ушул ушул эле кадры укмуш иштеп берди эл учун жер учун мекен учун Жон эле оз жумушун мыкты билген арык чырай коп акылдуу создорду суйлобогон элге жагалданбаган жигит экен азамат . Саясат менен дагы башын ооруткан жок жон гана жумушун мыкты аткарды кетти кетпесе болмок бирок кетти мейли башка жакшы пландары бардыр жакшы ниет кылалы .

Комментарий калтыруу үчүн өз ысымыңыз менен кириңиз же каттоодон өтүңүз.