Көк бөрү боюнча Жогорку Лиганын командалары Бишкекте күйөрмандары менен жолугушуу өткөрүшөт

14-апрелде көк бөрү боюнча Жогорку Лиганын командалары Бишкекте күйөрмандары менен жолугушуу өткөрүшөт. Бул тууралуу Дене тарбия жана спорт агенттигинен билдиришти.

Белгилүү болгондой, күйөрмандар менен жолугушууга Жогорку Лигада ойногон 6 команданын оюнчулары катышат. Алар: "Ынтымак", "Достук", "Бакубат-Талас", "Көк-Жал", "Сары-Өзөн" жана "Сары-Өзөн-Рассвет".

Алар күйөрмандардын суроолоруна жооп берип, кызыктыруучу белектер ойнотулат. Иш-чарага эстрада ырчылары да катышат. Жолугушуу улуттук оюндарды жайылтуу, өнүктүрүү максатында Жаштар иштери, дене тарбия жана спорт мамлекеттик агенттиги менен Көк бөрү федерациясы тарабынан уюштурулуп жатат.

Автор: Айпери Ганыжан кызы