super.kg logo

Нурсултан Назарбаев президенттикке Касым-Жомарт Токаевдин талапкерлигин сунуштады

 

"Нур Отан" партиясы 2019-жылы өтө турган президенттик шайлоого талапкерин көрсөттү. Бул тууралуу казакстандык басылмалар жазып чыгышты.

Белгилүү болгондой, мурдагы өлкө башчы Нурсултан Назарбаев президенттикке Касым-Жомарт Токаевдин талапкерлигин сунуштады.

"Аны көп жылдан бери билгеним үчүн бүгүнкү күндө өлкөдөгү эң жогорку кызматка татыктуу талапкер деп эсептейм. Ал Казакстандын Тышкы иштер министрлигин көп жылдар бою жетектеген жана мени менен бирге өлкөнүн тышкы саясатын түзүүчүлөрүнүн бири. Улуттук фондду түптөө боюнча идеямды колдоп, Токаев спикер катары мыйзам чыгаруу иштеринин өнүгүшүнө чоң салым кошту. Урматтуу партиялаштар, менин президенттиктен кеткеним күтүүсүз болгон жарандардан каттарды алып жатам. Казакстандыктар менин шайлоого катышуумду суранышууда. Адамдар туруктуулукту каалашат. Мага жасалган мамиле үчүн ыраазычылык билдирем. Токаев достук саясаты жана казакстандыктардын укуктары бирдей болушу үчүн иштей турган адам экенине ишенем. Мекендештерибизди анын талапкерлигин колдоп берүүгө чакырам", - дейт Назарбаев.

Маалыматка караганда, 24-апрелде "Ак-Жол", 25-апрелде "Ауыл" жана 26-апрелде Казакстандын элдик коммунисттик партиясы президенттикке талапкерлерди сунушташат. Казакстанда кезексиз президенттик шайлоо 2019-жылдын 9-июнунда өтөт.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126704;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: