Германияда комада жаткан бейтап 27 жылдан кийин көзүн ачкан

Германиядагы клиникалардын биринде комада жаткан аял 27 жылдан кийин көзүн ачып, кыймыл жасаган. Окуя 1991-жылы Бириккен Араб Эмираттарында болгонун чет элдик басылмалар жазып чыгышкан.

Маалыматка ылайык, мындан 28 жыл мурда Аль-Айн шаарына жакын жерде жол кырсыгы орун алып, анда окуучуларды ташыган автобус менен жеңил унаа сүзүшкөн. Жеңил унаада Мунира Абдулла, анын 4 жаштагы баласы жана күйөө баласы болгон. Мунира Абдулла кырсык учурунда баласын денеси менен тосуп, баш мээсинен оор жаракат алган. Ага жергиликтүү ооруканадан медициналык жардам көрсөтүлгөндөн кийин Лондондогу ооруканага диагноз коюу үчүн алып келишкен. Анткени Мунира Абдулла ооруну сезгени менен эсине келбей, комага түшүп калган. Бейтапты кайрадан БАЭдеги ооруканага которушуп, физиотерапия жасап, түтүк аркылуу тамактандырып турушкан.

2017-жылы Абу-Дабинин мураскер ханзаадасы Мохаммед бин Зайд аль-Нахайян бул окуяны уккандан кийин Мунира Абдулланын дарылануусун Германиядагы ооруканалардын биринде улантуусуна акча которгон. 2018-жылдын июнь айында Мунира Абдулла көзүн ачып, үн чыгара баштаган. Дагы 3 күндөн кийин ал баласынын атын айткан. Эсине келген бейтап бир нече күндөн кийин сөздөрдү даана, так айтып баштаган. Учурда Мунира Абдулла дарылануусун Абу-Дабиде улантып жатат.

"Мен үмүтүмдү үзгөн жокмун. Анткени апам эсине келерин сезгем. Мен бул окуяны адамдар эч убакта жакшылыктан үмүтүн үзбөсүн деген максатта айтып чыккам. Жакын адамыңар ушундай абалда болсо аны өлүп калды деп санабагыла. 27 жыл бою дарыгерлер мага апамды дарылоонун кереги жок экенин айтып келишкен. Бирок дарыгерлердин мындай сөздөрүнөн кийин өзүмдү апамдын ордуна коюп көрдүм. Апамдын эсине келиши үчүн бардык аракетимди жумшадым", - деген комага түшүп калган аялдын баласы Омар Вебер.

Автор: Бактыгүл Момбекова

09:56 24-04-2019

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 705 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 883 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 845 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1060 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1277 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 597 0

Архив

Комментарийлер (9)

u02u02

2019-04-24 10:04:30

Биздин врачтар болгондо кааласан каалабасан колуна чыгарып бермек адам болбойт бир жумада олот же олду деп. 27 жыл тамактандырып караган ошол врачтарга таазим

+34

Rifle_I

2019-04-24 23:34:51

u02u02,Биздин медицинадагы система башка. Сөз врачтарда эмес, сөз системада.

Gupa

2019-04-24 10:06:37

Ошондо Омар Вебер кырсык болгондо 4 жашта болгон баласы экен да э?..

Daniel01

2019-04-24 13:37:50

Эчкимдин апасы оорубасын

Shokoladka94

2019-04-24 18:52:31

Биздикилер 3 кундо озуно келбесе олот деген диагноз коюшат го

Sajakat14

2019-04-25 00:40:34

Shokoladka94,бизде медициналык страховка жок. Башка өнүккөн мамлекеттерде айына медстраховкага акча төлөшөт. Бейтапка страховка төлөп берет ооруп калса.

Kuba-savai87

2019-04-24 21:37:35

Мураскер ханзаадага рахмат

ainura220888

2019-04-24 21:48:03

Менин апамы болду апкелбегиле деген цирроз печень эле максимум 6ай жашайт деп. Тообо тируу козу ачык суйлоп отурган адамды. Апам 11ай жашадыго. Урушуп журуп зорго келет эле врачтар.эстесем кыжырым келет бети жокторго.

Rifle_I

2019-04-24 23:34:03

Адамдардын билим деңгээли , акыл эси , жашоого болгон көз карашы жогору . Жакшы жактарын алып жашасак болмок. Бирок медицинадагы системасы бизге туура келбейт. Ай сайын денсоолугуна страховка акча төлөө өтө оор болот.

Комментарий калтыруу үчүн өз ысымыңыз менен кириңиз же каттоодон өтүңүз.