"Эң башкысы - моралдык колдоо". Азия чемпиондугуна катышкан балбан кыздар кандай сыйлыкка ээ болору тууралуу тиешелүү мекеменин жообу

Бүгүн, 30-апрелде Кытайдын Сиань шаарында өткөн күрөш боюнча Азия чемпиондугунун жыйынтыктары боюнча маалымат жыйыны өттү. Жыйынга спорттун олимпиадалык түрлөрү боюнча мамлекеттик агенттиктин директору, Күрөш федерациясынын вице-президенти, кыз-келиндер арасындагы күрөш боюнча улуттук кураманын машыктыруучусу жана балбандар Айсулуу Тыныбекова менен Мээрим Жуманазарова катышты.

"Чемпиондукка катышып, ийгиликке жетишкен балбандарга мамлекет тарабынан кандай сыйлык берилет" деген суроого Күрөш федерациясынын вице-президенти, депутат Динара Исаева "эң башкы сыйлык - моралдык колдоо" деп жооп берди.

"Балбан кыздарыбыз - өлкөбүздүн алтын фонду. Биз алар менен сыймыктанышыбыз жана сөзсүз түрдө колдоо көрсөтүшүбүз керек. Албетте, аларды шыктандыруучу сыйлыктарды берүүгө мүмкүн, бирок эң мыкты шыктандыруу - бул моралдык жактан колдоо. Тарыхта Жаңыл Мырза, Кыз Сайкал сыяктуу энелерибиз болгон. Алардын мүнөзү биздин балбан кыздарыбызда бар. Бул эң башкысы", - деди Исаева.

Ал эми спорттун олимпиадалык түрлөрү боюнча мамлекеттик агенттиктин директору Жоомарт Шамканов спортчуларды сыйлоо атайын комитет тарабынан ишке ашырыларын белгиледи.

"Спортчулар жетишкендиктери үчүн атайын түзүлгөн комитет тарабынан сыйланат. Азырынча ким, кандай сыйлык алары белгисиз. Балким, жыл аягында өтүүчү сыйлык тапшыруу аземинде спортчуларыбыз жетишкендиктери үчүн шыктандыруучу сый акчаларга ээ болот", - деди Шамканов.

Автор: Бекболот Сарыбаев
Фото: Бекболот Сарыбаев

13:21 30-04-2019

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (8)

bessmertiy

2019-04-30 13:30:57

Спорттун "С"сын түшүнбөгөн Динара Исаева не кылып отурат бул кызматта?

senchi

2019-04-30 13:36:27

bessmertiy,Айсулууга бир эки чаптырып койуш керек. Ошондо тушунөт"С"ны

senchi

2019-04-30 13:34:20

Эмнеге ыссыгында берсенер болбойбу,ушул убака чейин ойлонуп койбодунарбы. Алар сүйүнүп утуп келсе биздин чондор жыл аягында берилет деп. Кирип кеткиле.

zhaku2017

2019-04-30 13:35:43

Азаматсынар кыздар. Сулуу болуп журо бергиле. Бар болгула. Билим, Спорт, искуство, маданият иштерге коп тартылгыла. Спорт маданият, искуство адамга руханий байлык берет. Кыздар эч убакта чокпогуло.

nuri1

2019-04-30 13:48:23

Кыргыз кыздарына туболук данк.

talas0707

2019-04-30 14:35:45

Чиновник ХХХХХ беришпесе капа болбогула, силер карапайым калктын сыймыгысынар! Эн негизгиси Кыргыз эли силер менен! Азаматтар. Чокпогуло эч качан. ХХХХ болуп отурганын.

BarsBaatyr

2019-04-30 15:03:09

Силердин моралдык колдооңорго зар болушкан жок Динара айым. Жеңиш менен келишти. Кыздарыбыз жана алардын машыктыруучулары миллиондогон сыйлыктарга татыктуу.

vikidiki

2019-04-30 20:49:33

Аткаминерлерге дагы моралдык коргоо эн башкысы, Жантай хан, Жакып хандар болгон биздин тарыхта. Ошолордун муноздорун камтыган биздин аткаминерлерибизге мындай сыйлык аздык кылбайт.

Комментарий калтыруу үчүн өз ысымыңыз менен кириңиз же каттоодон өтүңүз.