Лионель Месси "Барселона" үчүн 600-голун жаратты. Аргентиналык футбол жылдызынан кайсы клубдар жабыркаган?

2-майга караган түнү Чемпиондор Лигасынын жарым финалынын алкагында испаниялык "Барселона" клубу англиялык "Ливерпулду" кабыл алып, талаа ээлери ири эсепте жеңишке жетишти.

Беттештеги жалпы 3 голдун экөөсүн "Барселонанын" аргентиналык жылдызы Лионель Месси жаратты. Муну менен Месси өзүнүн клубдук карьерасындагы голдорунун санын 600гө жеткирди. Мындай жетишкендикке ал туптуура 14 жылда жетишти. Чабуулчу каталондук клубдун катарындагы алгачкы голун 2005-жылы 1-майда испаниялык "Альбасете" клубуна каршы оюнда жараткан.

5 жолку "Алтын топ" сыйлыгынын ээсинен 14 жыл ичинде 76 клуб жабыркаган. Алардын сап башында турган "Севильянын" дарбазасына Месси 36 жолу гол киргизсе, "Атлетико Мадридге" каршы оюнда 29, "Валенсияга" каршы 27 жолу айырмаланган. 4-орунда жайгашкан "Барселонанын" башкы атаандашы "Реал Мадрид" клубу чабуулчудан 26 жолу жабыр тарткан.

Ал эми европалык клубдардын арасынан футбол жылдызынын "сүймөнчүгүнө" айлангандар Англиянын командалары болуп эсептелет. Бул клубдар менен болгон оюндарда ал 26 гол жаратканга жетишкен.

Лионель Месси "Барселонанын" курамында 2004-жылдын 16-октябрында дебют жасаган. Бул аралыкта 683 беттеш өткөргөнгө жетишип, испан клубу менен биргеликте 4 жолу Чемпиондор Лигасын, 10 жолу өлкө чемпиондугун жана башка көптөгөн мелдештерди жеңип алган. Ошондой эле 5 жолку "Алтын топ", 5 жолку "Алтын бутса" сыйлыктарынын ээси.

Автор: Бекболот Сарыбаев

12:35 03-05-2019

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (6)

zhaku2017

2019-05-03 13:14:20

Месси супер!

Mambetali

2019-05-03 13:18:45

Куттуктайбыз Лео...

FCB14

2019-05-03 15:06:54

Тируу Легенда.
Испанияда ойносо да Англиянын топ клубтарын жыртып журот.

arawan

2019-05-03 18:40:47

роналду деле 600голун киргизген аны деле жазып койсонор болмок

nukura_jigit

2019-05-03 19:06:47

arawan,менимче Роналду бир эле клубта эмес, жалпы карьерасында 600 киргизди окшойт

Kristianuronaldu

2019-05-04 22:08:58

Роналдо спортинг юнайтед рела мадрид жана ювентус клубдары учун 600 гол киргизди а зборный португалия учун 87 гол кыргизген жалпысынан алганда роналдонуку коп бул факт

-1

Комментарий калтыруу үчүн өз ысымыңыз менен кириңиз же каттоодон өтүңүз.