Орусиялык спортчу Алина Загитова дүйнө жүзүндөгү эң мыкты муз үстүндө бийлөөчү спортчулардын сап башына жазылды

Коньки менен муз үстүндө чуркоочулардын эл аралык союзу дүйнө жүзүндөгү муз үстүндө бийлөөчү эң мыкты спортчулардын тизмесин жарыялады. Бул тууралуу орусиялык басылмалар жазышууда.

Маалыматка ылайык, аталган тизмеде орусиялык 2 спортчу бар. Дүйнө чемпиону Алина Загитова тизменин биринчи сабында көргөзүлсө, дагы бир орусиялык спортчу Евгения Медведева үчүнчү орунга жазылган. Ал эми 2-орунга япониялык Сатоко Мияхара татыктуу болгон.

Мындан сырткары рейтингде орусиялык спортчулар Станислава Константинова 9-орунга, Софья Самодурова 10-орунга жана Елизавета Туктамышева 13-сапка жазылышкан.

Айта кетсек, Алина Загитова Япониянын Сайтама шаарында өткөн муз үстүндө бийлөө боюнча дүйнө чемпиондугунда жеңүүчү болгон.

Автор: Айзада Тураркулова