Атамбаевдин жан сакчысы 20 миллион сомдук делген үйлөрүн 4,5 сааттын ичинде көрсөтүп бүттү (фото, видео)
Мыйзамсыз баюуга шектелип жаткан УКМКнын 9-кызматынын мурдагы бөлүм башчысы Дамир Мусакеев журналисттерге өзүнө жана туугандарына таандык мүлктөрүн көрсөтүүдө.
Буга чейин Башкы прокуратура 2010-2017-жылдар аралыгында жалпы суммасы 20 миллион сомду түзгөн мүлктөрдү сатып алганы боюнча маалымат тараткан. Сатып алынган мүлктөр Дамир Мусакеевдин туугандарына (атасы, апасы, аталаш бир тууганына) катталганы да маалымдалган.
Кийин Мусакеев Башкы прокуратура көрсөткөндөй мүлктөрү болсо, 2016-жылга чейин үй-бүлөсү менен УКМКнын бир бөлмөлүү жатаканасында жашабай тургандыгын айтып чыккан.
11:20. "Азыркы бийлик тараптан мени камап коюу аракети болууда. Эгер камап койсо, демек, бул Кудайдын буйругу" деди Мусакеев.
11:30. "Атамбаев мага "коррупцияга аралашпа" деп көп айтчу. "Эгер пара алсаң, сени каматам" дечү. Акча керек болсо менден ал деп айтчу. Акча сураган эмесмин, бирок майрам күндөрү премия катары акчалай сыйлык берип турчу. Унаа, батир белек кылган жок. Бирок мага эле эмес, биздин кызматтагы балдарга да жардам берип жүрдү", - деди Мусакеев.
12:00. Алгач Мусакеев Чүй облусунун Биримдик конушундагы үйүн көрсөттү. Турак жайдын курулуш иштери толук аяктабаганы байкалды. Мусакеевдин айтымында, жер тилкени атасы 2006-жылы 25 миң сомго сатып алган. Учурда бул үйдө Мусакеевдин инилери жашап жатканы айтылды. Жер тилкенин жалпы аянты - 6 сотых.
12:05. Мусакеев башка чиновниктерди өз мүлктөрүн көрсөтүүгө чакырды. Ал эстафетаны Райымбек Матраимовго узатты. "Меникиндей үйлөр элдин баарында эле бар. Эмне себептен азыркы чиновниктердин балдары, туугандары айдаган унааларга көңүл бурулбайт? Мисалы, алардын бир эле унаасы 50-60 миң доллар турат. Аны сомго которсо, канча миллион сом болот? Каймана атында алты нөлү бар бир адам бар (Райымбек Матраимов, "Раим Миллион" - ред.), анын мүлктөрү жарыяланганда эмне себептен эч кандай реакция болгон жок?" - деди Мусакеев.
12:12. Мусакеевдин кошунасы: "Ким бийликке келсе эле камай берет. Камаганды токтотушпайбы. Бири-бирин чукуганды качан токтотот? Мусакеев коррупционерге окшошпу? Коррупционер болсо жыргабайт беле?! Ал көчөбүзгө суу чыгарып берген. Миллион жегендер жүрүшөт, тоок алгандар камалат".
12:30. Учурда Мусакеев журналисттер менен кийинки үйүнө бара жатышат. Түз эфир ошол жерден уланат.
12:50. Экинчи үй Новопавловка айылында жайгашкан. "Бул жер тилкени 2010-жылы февраль айында ата-энем 100 миң сомго сатып алган. Атама катталган. Бул жакта эч ким жашабайт. Биз 4 бир тууганбыз. Ата-энем балдарыбыз үйлүү болсун деп жер тилкелерди алышкан. Ата-энем айыл чарба менен алектенет. 100 миң сомду бир жылда тапса болот го.
Учурда бул үйдө канализация жок. Оңдоо иштерин жүргүзүп жатабыз. Аны сатабы же сатпайбы, ата-энем өздөрү чечет. Башкы прокуратура мүлктөрдү 20 миллион сом деп бүгүнкү баа менен көрсөткөн окшойт. Бирок баары бир мынчалык кымбат бааланбайт деп ойлойм", - деди Мусакеев.
13:20. Учурда Мусакеев журналисттер менен үчүнчү үйгө бара жатышат. Түз эфир ошол жерден уланат.
13:40. Экс-президенттин жан сакчысы 20 миллион сомдук делген үйлөрдүн үчүнчүсүн көрсөтүүдө. Бул турак жай Бишкектеги Ак-Ордо конушунда жайгашкан.
13:50. "Ак-Ордодогу 4 сотых жер тилкени 2011-жылы 120 миң сомго сатып алганбыз. Азыр бул жерде эч ким жашабайт. Агам Замир Мусакеев Фольксваген Пассат үлгүсүндөгү унааны сатып ушул жер тилкени сатып алып, үй атабызга катталган. Агам Чек ара кызматында иштегенден кийин УКМКнын 9-кызматында иштеп пенсияга чыккан", - деди Мусакеев.
14:00. Учурда Мусакеев журналисттер менен Кызыл-Аскер конушундагы 4-үйгө бара жатышат. Түз эфир ошол жактан уланат.
14:40. "Кызыл-Аскер конушундагы 2 бөлмөлүү батир 1 миллион 200 миң сомго ипотекага сатып алынган. Аянты 85 чарчы метр. Атамдын атына катталган. Бул жерде иним үй-бүлөсү менен жашайт", - деди Мусакеев.
14:50. Экс-президенттин жан сакчысы журналисттер менен Көк-Жардагы УКМКнын кызматтык батирине жөнөштү.
15:20. "2006-жылга чейин УКМКнын кызматкерлерине кызматтык батирлер берилчү, бирок ичинде оңдоо иштери жок эле. Мен бул маалыматты Алмазбек Атамбаевге жеткиргем. Андан соң ал УКМКнын кызматкерлери мамлекеттин жардамын сезиши керек деп оңдоо иштери бүткөн батирлерди берүүнү тапшырган. Ошентип мен 2015-жылы кызматтык батирге көчүп келгем. Эч кандай документим жок. Эгер мени бул батирден кууп чыгышса, юридикалык жактан туура эмес болуп калат. Анткени пенсияга чейин кызмат өтөдүм", - деди Мусакеев.
Башкы прокуратура ал мүлктөрүн ата-энесине жана туугандарына каттаткандыгын билдирген. Дамир Мусакеевдин байлыгы деп тараган тизме төмөндө:
Бишкектеги үйлөр жана батирлер:
1. Сүйөркулов көчөсүндөгү 7а дарегиндеги көп кабаттуу үйдөгү батир, (катталган күнү 22.10.2015),
2. Кеңсуу көчөсүндөгү №19-даректеги көп кабатуу үйдөгү батир (катталган күнү 07.07.2014),
3. Ак-Ордо конушу, Көк-Бел көчөсү №74, жер тилке (катталган күнү 01.07.204),
4. Рыскулов көчөсү, №79б дарегиндеги батир (катталган күнү 07.05.2019),
5. Турусбеков көчөсү №88/2 көп кабаттуу үйдөгү батир (катталган күнү 14.05.2018) 6. Калык Акиев көчөсү №99, батир (катталган күнү 07.05.2018). 7. Рыскулов көчөсү №7б, батир (катталган күнү 14.05.2018), 8. П. Лумумбы көчөсү №143, батир (катталган күнү 19.12.2003),
9. Көк-Жар конушу, Куйручук көчөсүндөгү УКМКнын кызматкерлери үчүн салынган көп кабаттуу үйдө кызматтык батир.
Чүй облусундагы мүлктөр:
1. Сокулук району, Новопавловка айылы, Проектируемая көчөсүндөгү жер тилке (катталган күнү 18.02.2010),
2. Аламүдүн району, Маевка айылындагы жер тилке (катталган күнү 20.01.2011),
Ысык-Көл облусундагы мүлктөрү:
1. Чоң-Сары-Ой айылы, курорттук зонадагы жер тилке (катталган күнү 24.06.2015),
2. Тоң району, Бөкөнбаев айылындагы дүкөн,
3. Бөкөнбаев айылынын Мамбетов көчөсүндөгү турак-жай (катталган күнү 01.09.2016)
4. Бөкөнбаев айылынын Мамбетов көчөсүндөгү дүкөн (катталган күнү: 01.09.2016),
5. Бостери айылындагы коттедж (катталган күнү: 11.02.2019).
Бул тизме тарагандан көп өтпөй Мусакеев билдирүү таратып, мындай маалыматтарды четке каккан. Ал тизмедеги ар бир мүлккө токтолуп, түшүндүрмө берген. Анын түшүндүрмөсү төмөндө:
1. Бишкектеги Көк-Жар конушундагы Куйручук көчөсүндөгү көп кабаттуу үйдөгү батир - УКМК тарабынан берилген кызматтык батир.
3. Ак-Ордо конушу, Көк-Бел көчөсү №74, жер тилке агама тиешелүү, ал 5 жылдан бери үй салып жатат.
4. Кеңсуу көчөсүндөгү №19-даректеги көп кабатуу үйдөгү батир иниме тиешелүү,
5. Рыскулов көчөсү, №79б дарегиндеги батирдин мага жана менин жакындарыма тиешеси жок, ал Тоң районундагы бизнесмен тууганыбызга таандык,
6. Турусбеков көчөсү №88/2 көп кабаттуу үйдөгү батирдин мага жана менин жакындарыма тиешеси жок, ал Тоң районундагы бизнесмен тууганыбызга таандык,
7. Калык Акиев көчөсү №99, батирдин мага жана менин жакындарыма тиешеси жок, ал Тоң районундагы бизнесмен тууганыбызга таандык,
8. П. Лумумбы көчөсү №143, бул батирдин мага жана менин жакындарыма тиешеси жок, ал Тоң районундагы бизнесмен тууганыбызга таандык,
9. Рыскулов көчөсүндөгү батир - мындай мүлктү билбейм.
Жер тилкелер жана үйлөр:
Чүй облусундагы мүлктөр боюнча:
1. Сокулук району, Новопавловка айылындагы Проектируемая көчөсүндөгү 4 сотых жер агама таандык, ал аны 2010-жылы сатып алган, 2. Аламүдүн району, Маевка айылындагы 4 сотых жерди атам 2006-жылы сатып алган,
Ысык-Көлдөгү мүлктөр боюнча:
1. Бөкөнбаева айылындагы үй - ата-энемдин үйү,
2. Бостери айылындагы коттедж, мага жана жакындарыма тиешеси жок. Тоң районундагы бизнесмен тууганыбыздын коттеджи.
Корунушунон ички дуйносу таза адамдай корунот эмне болсо да эркек экенсин Ашаны таштап кетбеймин деп ушул созундо чыныгы эркектик сапатын бар экен
+22
rysik79
2019-05-10 12:51:15
Коп нерсе билет экен бул кароолчу.
-8
zhaku2017
2019-05-10 14:19:16
Жээнбеков Раиммиллионго окшогон ХХХХХ текшербейби
+24
Alinur96kg
2019-05-10 17:25:09
zhaku2017,4 айдан бери текшерип бутпой атышат.
+1
Gema
2019-05-10 15:36:15
Раимди эмнеге текшербет??
+17
KyrgyzstanBishkek
2019-05-10 16:41:16
Бул уйлордо жашабайсынар стлер.
Эмне эле актанып,ак болсонор чыгасынар да.Органдар сага кошумча мулк берип камабайт да.Мулкунду текшерет ак болсон бошотот
-4
Nurdinur
2019-05-10 16:50:38
Жаны уйлорду алып бул уйундо жашабай койгон эмеспи
0
zhaku2017
2019-05-10 16:50:45
Асылбек Жээнбековту текшерип анан кылмыш ишин козгош керек
+15
JaneEr
2019-05-10 17:44:39
Баарибир бай экен актанса да.
+5
Take_men
2019-05-11 14:50:48
JaneEr, пансионат особняктары элиткалар жер участоктору толтура чыгып атат го. Раимдан калышпайт көрүнөт
-1
mira28
2019-05-10 17:52:43
Жалганды да окшотуп суйлосо болмок.Кантип эле 2010-2011-жылдары 100 120миндерге жер ала беришкен болгондо да Ак Ордодон.2011-жылы Кудайбергенден 260мин сомго 4сотых участканы аран алганбыз.Бир аз окшотуп суйлосо болмок экен.Ары бери атайын буто элек уйлорду таап документ жасай коюптур да.Аа байлыгы жок экен деп бир короо журналист куру кол кете беришиптир.
0
okumushtuu
2019-05-11 09:21:24
mira28,сага кошулам бул жерде паранын жыты жана изи бар 2011 жана 2010 жылдары деле 60000 жана 120000 жерлер такры жок эле болбоду дегенде 4500 доллар эле ошол 4500 46 курс менен 200000 сомдон ашат новопавловкада 60000 жер белек эле болбосо смайлик кулкум келип кетти ХХХХХ,
0
interpol
2019-05-10 21:00:56
11:30. "Атамбаев мага "коррупцияга аралашпа" деп көп айтчу. "Эгер пара алсаң, сени каматам" Деп айтчу экен мына атамбайдын сот прокрорлорго өзү буйрук берип өзү аралашканын далили. Же мунуда танасыңарбы. Качан Аша ны сурака чакырасыңар өзү????
+2
Shekeev969798
2019-05-10 22:05:48
interpol,Корупцияга аралашса каматабы?
ойлоп суйлосон кылмыш кылган болсон камаласын
дептир
+2
interpol
2019-05-10 23:07:01
Shekeev969798,мен камалсын деген жокмун. Көзүңү чооооооң ачып кара ашанын айткан сөзүн, эгер пара алсаң каматам дечү дейт. Не АША да ошондой укук барбеле каматкыдай? Камаш соттош ал башка органдын иши эмесби
0
Eli.91
2019-05-10 22:15:04
Биринчиден эн ыйык ай ушул ай.
Экинчиден эн ыйык кун бугун жума.
Калп суйлосо элди алдаса Аллах Таалам берет сазайынын.Билбейм башканар кандай деп ойлойсунар?Бирок мен бул сумманы укканда оозум ачылдыда калды.Биз деле эл катары жумуш кылабыз,бирок тапканыбыз аран жететго.Булар четтеги эле адам экен ушуларда ушунча акча болсо.Башкалары акчаны басып жатып чиритип жиберишсе керек.Менде 2-млионум кана болгондо уй алып алып олтурмакмын шугур кылып жаратканга.Аллахдан корккула!Ыйык
+2
nur...nur.
2019-05-11 00:07:27
Жакшы эле адамдай корунот
+1
Zimzimemir
2019-05-11 08:23:38
Бироолордун куноосун которуп не кылабыз,жалган айтсада,чын айтсада озуно,бир кудай кубоо
0
Skarlett-Skarlett
2019-05-11 10:32:33
Оштогу Жалил ХХХХХ эмне текшербейсинер? Кара-Кулжалыктар бут укук коргоо органдарын ээлешип,сут-каймактын устундо чалкалап журушот. Кана адилеттуулук?!
0
Mydearzh
2019-05-11 12:08:08
Ушу "кыргыздар" чондорго алы жетпей, бир бечараны таап алып кыса бергенин качан коюшат?!
+4
Take_men
2019-05-12 07:59:53
Mydearzh, ушул бечаранын прокуратура жарыя кылган байлыктарын окуп көр биринчи. Байлыгы батпай калыптыр го
0
Комментарий калтыруу үчүн өз ысымыңыз менен кириңиз же каттоодон өтүңүз.
