Александр Крестинин: "Футболчуларыбыз керектүү учурда күчтөнүп, жеңишти тартып ала алышты"

"Дордой"-"Истиклол" беттешинде бишкектик клуб жеңишке оңой жете алган жок. Мындай пикирин оюндан кийинки маалымат жыйынында бишкектик клубдун башкы машыктыруучусу Александр Крестинин билдирди.

Анын айтымында, бүгүнкү беттеште оюнчулар аягына чейин күрөшүп, жыйынтыгында ийгилик жылмайды.

"Алгачкы таймда көптөгөн катачылыкка жол бердик. Мындан пайдаланган атаандаш гол жаратты. Бирок экинчи таймда команда өзүнө келип, керектүү учурда күчтөнө алды. Жыйынтыгында эмгегибиздин акыбети кайтып, жеңишке жетише алдык.

Буга чейинки статистикаларды карап көрсөк "Дордой" да, "Алай" да эл аралык беттештерде көп жылдан бери жеңишке жете элек экен. Бүгүн ал ийгиликсиз учурларга чекит коюлду. Алдыдагы оюндарда дагы жеңишке жетишүү үчүн болгон аракетибизди жумшайбыз.

Бүгүн биз баарын туура аткардык десем болот. Бирок көйгөйлөрүбүз дагы аз эмес. Мисалы, коргонуу бөлүгүндө кемчиликтер бар. Буга кошумча Азамат Байматов дагы жаракат алып калды. Бул жагынан алып караганда абалыбыз оңой эмес. Анткен менен футболчуларыбызды мактай кетсем жарашат. Алар алгачкы бөлүктө утулуп жатканына карабай жеңишти алып келишти. Алдыда дагы 2 оюн бар. Аягына чейин күрөшүп, тайпадан чыгууга аракет кылабыз", - деди Крестинин.

АФК Кубогунун тайпалык баскычынын 4-турунда орун алган "Дордой"-"Истиклол" беттеши 2:1 эсебинде бишкектиктердин пайдасына жыйынтыкталды. Кийинки турда Александр Крестининдин шакирттери Түркмөнстандын "Алтын Асыр" клубу менен ойнойт. Беттеш 19-июнда Түркмөнстанда өтөт.

Автор: Бекболот Сарыбаев
Фото: Бекболот Сарыбаев

00:11 16-05-2019

Жазылуу

РУБРИКАДАГЫ СОҢКУ КАБАРЛАР

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 149 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 163 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1152 0

21:48 2025-05-14 | Түркүн дүйнө

Атактуу блогер Гусейн Гасановго издөө жарыяланды 1013 0

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 1155 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 899 0

Архив

Комментарийлер (4)

rysik79

2019-05-16 00:17:11

Саша сен озу маладес баласын да. Саша воинов да кооп жакшы брат. Чемпион кыла бергиле Кыргызстандын атын чыгарып.

KAYRATBEK

2019-05-16 01:30:26

Бишкектин пайдасына алып келди дегени кандай эмне Бишкек Кыргызстандан башкабы? Бишкек деп болбой эле Кыргызстандын пайдасына десе эмне болот. Же дордойдо жалан бишкектиктер ойнойбу. Бул туура эмес.

MAN-CITY

2019-05-16 01:55:13

KAYRATBEK,Дордой Бишкек шаарынын клубу, андыктан Бишкек деп айтылат. Мисал Алай клубу Ош шаарынын клубу же Нефтчи Кочкор Атанын клубу Кочкор Атаныкы болуп эсептелинет. Эч кандай капа болуунун кажети жок.

Sajakat14

2019-05-16 02:23:43

Азаматтар! Куттуктайм!

Комментарий калтыруу үчүн өз ысымыңыз менен кириңиз же каттоодон өтүңүз.