Москвада эч жерде иштебеген аял жол тандабас унаасынан 5 миллион рубль акчасын уурдатып жиберди

Москвада эч жерде иштебеген аял унаасынан 5 миллион рубль акчасын уурдатып жиберди. Бул тууралуу бүгүн, 20-майда орусиялык маалымат каражаттары жазып чыкты.

Маалыматка ылайык, окуя кечээ кечинде Мичурин кең көчөсүндө орун алган. Анда 1961-жылы туулган аялга таандык Mercedes-Benz Gelandewagen үлгүсүндөгү унаанын ичинен 4 миллион 995 миң рубль акчасын белгисиз адамдар уурдап кеткен. Мындан сырткары кылмышкерлер унаанын ичинен аялга таандык кымбат баалуу көз айнегин да алышкан.

"Келтирилген жалпы чыгымдын суммасы 5 миллион 15 миң рублду түздү. Бул факт боюнча кылмыш иши козголду. Учурда кылмышкерлерди издөө иш-аракеттери жүрүүдө", - деп айтылат маалыматта.

Автор: Мальвина Уметбекова