АКШда күнөөсүз 46 жыл түрмөдө отурган адамга бийлик тарабынан 1,5 миллион доллар төлөнүп берилет

АКШда күнөөсүз 46 жыл түрмөдө отурган адамга бийлик тарабынан 1,5 миллион доллар төлөнүп берилет. Бул тууралуу бүгүн, 22-майда чет элдик маалымат каражаттары жазып чыкты.

Маалыматка ылайык, 1971-жылы адам өлтүрүүгө айыпталып өмүр бою эркинен ажыратылган Ричард Филлипстин иши боюнча көрсөтмө берген күбө жалган маалыматтарды айтканы аныкталган.

"Ричарддын күнөөсүз экени далилденип, бийлик тарабынан 1,5 миллион доллар төлөнүп берилишин прокуратура канааттандырды. Ричард Филлипс түрмөдө отурган жылдары сүрөт тартуу менен алектенип баштаган. Учурда ал тарткан сүрөттөрдүн баасы 1 миң долларга бааланууда. Ал "мага компенсация төлөнсө да, төлөнбөсө да өзүмдү жакшы сезем" деп билдирген", - деп айтылат маалыматта.

Автор: Мальвина Уметбекова