Башкортостанда акыркы тамекини талашкан жаран досун бычактап салган

Башкортостанда акыркы тамеки үчүн досун өлтүрүүгө шектелүүдө. Бул тууралуу жергиликтүү маалымат каражаттары жазып чыкты.

Маалыматка ылайык, окуя 22-майга караган түнү Раевский айылында болгон. Анда 55 жана 54 жаштагы эки дос спирттик ичимдиктерди ичип отуруп, ортосунда уруш чыккан. Буга акыркы тамеки себеп болгону айтылууда.

"Уруш учурунда 55 жаштагы жаран досунун төш тарабына бир нече жолу бычак менен сайган. Иликтөө иштеринин алкагында эки дос акыркы тамекини ким чегет деген маселени чече албай мушташып, бири экинчисин бычактаганы аныкталды. Учурда кылмыш иши козголуп, тергөө амалдары улантылууда", - деп айтылат маалыматта.

Автор: Мальвина Уметбекова