ЖЫЛНААМА, 4-ИЮНЬ: "Туулган күнүмдү төрөтканада кызым менен жубайымдын жанында өткөрөм" дейт 26 жашка толгон рэпер Баястан

Бүгүн, 4-июнда рэп аткаруучу Баястан 26 жашка толду. SUPER.KG порталы Баястанды туулган күнү менен куттуктап байланышка чыкты.

"Өздүк майрамыма бир күн калганда жубайым Зульфия көз жарып, кыздуу болдук. Жубайымдын мага жасаган эң кымбат, табылгыс белеги болду. 4-июнга караган түнү досторум туулган күнүм жана кыздуу болушум менен куттуктап келишти. Туулган күнүмдү төрөтканада, кызым менен жубайымдын жанында өткөрөм", - дейт ал.

Баястан Ботоканов 1993-жылы 4-июнда Ысык-Көл облусундагы Балыкчы шаарында төрөлгөн. Орто мектепти аяктагандан кийин Кыргыз-Орус Славян университетине тапшырып, окуусун улантып келе жатат.

Алгач 2008-жылы сахналаш досу Бегиш менен биргеликте "Керексиң мага" ыры менен чыгып, элге тааныла баштаган. Андан соң "Математика", "Эркелеп" жана башка ырлары жаралган.