70 жаштагы кемпир неберелери үчүн 52 кум жээгиндеги таштандыларды тазалаган

Британияда 70 жаштагы пенсионер 52 кум жээгиндеги таштандыларды тазалаган. Ал өзүнө "дүйнөнү таза кармайбыз" деген максатты коюп, ага жетүүгө аракет кылганын чет элдик басылмалар жазып чыгышты.

Британиянын Корнуолл граф ээлеген аймагынын Пэт Смит аттуу тургуну экология тууралуу тасма көргөндөн кийин коомдук жайларды таштандыдан арылтууну колго алган.

"Мен балдарымдын, неберелеримдин алдында чоң жоопкерчиликти сезип жатам. Пайдалуу иш жасашым керек. Айлана желим таштандыларга толуп калыптыр. Ар бир адам өзүнө таза болуп таштанды таштабашы керек. Чогулткан маалыматым боюнча желим 450 жылда чирип жок болот. Жыл сайын океанга 150 тонна желим таштандылар топтолот экен. Мындан улам сууда жашаган миллиондогон жандыктар өлүп, жок болот. Ушул маалыматты билип туруп жөн эле карап отура албадым. Мүшөк алдым дагы таштандыларды чогулта баштадым", - деген ал.

Пэт Смиттин таштанды чогултканы башында көпчүлүктүн талкуусуна алынган. "Өзү улгайып калган болсо, узак жолдорду басып, таштанды чогултуп эмне кылат? Таштанды чогулткусу келип жатса кум жээгин эмес өзү жашаган райондукун чогулта бербейт беле?" дегендер болгон. Бирок Пэт Смит аларга капа болгон эмес. Тескерисинче, ал улгайып калса дагы алдыга койгон максаты бар экенин айткан. Акырындан ыктыярчынын катарын толуктагандар көбөйгөн.

"Айрымдар менден карылыгымды таштанды чогултуу менен өткөрүүдөн кандай пайда табарымды сурашкан. "Ушул жашыңда узак жол жүрүп, күндүн ысыгында, суугунда оор жүк көтөрүүнүн кереги барбы?" дешкен. Дүйнөнү жакшыртуу тууралуу ой мага өтө кеч келди", - деген Смит.

Пэт Смит жергиликтүү 600 компанияны желимдерди колдонуудан баш тартууга чакырган. Анын демилгесин дээрлик бардык компания колдогон.

Автор: Бактыгүл Момбекова

16:30 05-06-2019

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 836 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 988 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 883 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1107 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1332 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 642 0

Архив

Комментарийлер (5)

Farra16gsin

2019-06-05 18:46:58

Ой кокуй оой кыргызго десе британ кемпирдин мусор тазалаганын бизге эмне кереги бар десең же кыргызстандын мусорун тазалап атабы түшүнбөйм ушу журналистерге

-3

Makkambaev97

2019-06-05 22:12:14

Farra16gsin,Муну супер дейт кызыкпасаң ХХХХ киресиңби

elgul4

2019-06-06 02:18:21

Farra16gsin,тушунбогон адамга тушундуруп не пайда....

katerina.li

2019-06-06 08:49:28

Farra16gsin,Омарды тушунбосон Хаямды да тушунбойсун

Skarlett-Skarlett

2019-06-05 18:54:52

Улгу алчу аял экен

Комментарий калтыруу үчүн өз ысымыңыз менен кириңиз же каттоодон өтүңүз.