АКШда 5 баласын өлтүргөн жаран өлүм жазасына тартылат

АКШда 5 баласын өлтүргөн жаран өлүм жазасына тартылат. Мындай чечимди анын ишин караган судьялар чыгарган. Бул тууралуу бүгүн, 14-июнда чет элдик маалымат каражаттары жазып чыкты.

Маалыматка ылайык, окуя 2014-жылы Түштүк Каролинада орун алган. Анда Тимоти Жонс аттуу жаран 1 жаштан 8 жашка чейинки 5 баласын өлтүрүп, кылмышты жашыруу максатында алардын жансыз денесин бир нече штатка алып барып талаага ыргыткан.

"Жонстун төбө чачты тик тургузган кылмыш ишин караган судьялар аны өлүм жазасына тартуу чечимин кабыл алды. Ал эми анын жактоочусу ал шизофрения оорусу менен жабыркаганын айтып, ага ырайым көрсөтүүнү өтүнгөн. Ушундай эле өтүнүчтү анын туугандары да келтирген. Бирок судьялар чечимин өзгөрткөн жок", - деп айтылат маалыматта.

Автор: Мальвина Уметбекова