Дүйнөдөгү эң бай рэперлер аныкталды

АКШнын Forbes журналы дүйнөдөгү эң бай рэперлерди аныктады. Мындай рейтинг журналдын интернет баракчасында жарыяланды.

Маалыматка ылайык, дүйнөнүн эң бай рэпери деп Jay-Z аты менен таанылган Шон Картер табылды. Анын банктагы эсептеринде 1 миллиард доллардын тегерегиндеги акча каражаты жатат. Бул суммага анын жубайы Бейонсенин байлыгын кошкондо 1 миллиард 400 миң доллардан ашат.

Экинчи орунда жайгашкан Dr.Dre`нин байлыгы 800 миллион долларды түзсө, 3-орундагы Diddy 740 миллион долларга ээ экени көрсөтүлгөн. 4 жана 5-орундагы Канье Уэст менен Drake 240 жана 150 миллион доллар байлыкка ээ.

Буга чейин аталган журнал музыка дүйнөсүндөгү эң бай айымдарды атап, биринчи орунду ырчы Рианнага ыйгарган.

Автор: Бекболот Сарыбаев