Чыгымы 1 миллион еврону чапчыган "Реал Мадриддин" капитаны Серхио Рамостун үлпөт тою

"Реал Мадрид" футбол клубунун капитаны Серхио Рамос жана анын сүйүктүүсү Пилар Рубиого кечээ, 16-июнда баш кошту.

Үйлөнүү той Севиль чиркөөсүндө орун алды. Чиркөөдөгү иш-чарадан кийин жаш жубайлар футболчунун "La Alegría SR4" фермасына жол алышты. Аталган фермада Рамостун мелдештерге катышып жана байгелүү орундарды алып келип жүргөн 70 таза кандуу тулпары багылат.

Рамос жана Рубио 2012-жылдан бери сүйүү мамилесинде. Түгөйлөрдүн Серхио, Марко жана Алехандро аттуу уулдары бар.

Үлпөт тойго келген коноктор атайын алдын ала айтылган дресс-код боюнча кийинип келишкен. Мырзалар - фрак (этеги узун костюм) кийсе, айымдар этеги жер чийген узун көйнөк кийип келишкен. Конокторду ак, жашыл, ток сары, кызылдан башка түстөгү кийимдерди кийүүнү суранышкан. Мындан сырткары келген коноктор уюлдук телефондорун атайын бир бөлмөгө калтырып, андан соң гана үлпөт тойго киришти.

Тойго келген 400 адамга атайын убактылуу мөөр коюлган. Мөөрү жок эч бир адам кире алган жок. Тойго "Реал Мадрид" , "Барселона" жана "Испания" курама командасынын оюнчулары келип катышты. Чет элдик маалымат каражаттарынын жазып чыкканына таянсак иш-чарага башкы машыктыруучу Зинедин Зидан жана клубдун президенти Флорентино Перес келген.

Флорентино Перес

Ал эми белгилүү футболисттерден Лукас Васкес, Лука Модрич, Марко Асенсио, Начо Фернандес, Серхио Регилон жана Кейлор Навас үлпөт тойго күбө боло алышкан. Католондуктардан Жорди Альба жана Серхио Бускетс да сүйүктүүлөрү менен капитанды куттуктаганы келгенин көрүүгө болот. Мындан сырткары мааракеге "Реалдын" экс-тренери Висенте дель Боске жана мурунку футболчулар Роберто Карлос, Рауль, Фернандо Йерро, бразилиялык Роналдо жана Дэвид Бекхэм чакырылган.

Айрым маалымат булактары капитандын үлпөт тоюна бери дегенде эле 1 миллион еврого жакын каражат жумшалганын жазышууда. Колуктунун кара түстөгү гүлдестеси көптөгөн талкууларды жаратып, үлпөт тойдун өзгөчөлүгүнүн бири болду.

Автор: Айзада Тураркулова

16:29 17-06-2019

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (3)

JENTLEMAN

2019-06-17 17:19:58

Буларга жараша берет канча сарптасада, биздин артисттер ушуларга окшойм деп бузулуп кетишүүдө.

bond02

2019-06-17 21:49:08

Бизде да мындай кийинип келгиле деп шарт койсо кандай болот экен. Телефондорун да башка жакка таштап.

mira28

2019-06-19 03:16:01

Мына сага той.Шашылбай эле 3 балалуу болгондо беришиптир да.Бир жагынан бул да туура.Биздин кыргыздар былтыр балжырата чачырата той откоруп быйыл ажырашып тынатгой.Койногу жакты необычный.

Комментарий калтыруу үчүн өз ысымыңыз менен кириңиз же каттоодон өтүңүз.