Москвада 9-кабаттан кулап түшкөн аялды дарыгерлер аман алып калды

Москвада 9-кабаттан кулап түшкөн аялдын өмүрүн дарыгерлер аман алып калды. Бул тууралуу бүгүн, 17-июнда жергиликтүү маалымат каражаттары жазып чыкты.

Маалыматка ылайык, окуя кечээ түндө болжол менен саат 23:00 чамасында Яблочково көчөсүндөгү көп кабаттуу үйлөрдүн биринде орун алган.

"Алгач аял кишинин жардам сурап кыйкырган үнү угулган. Андан соң белгисиз аялдын кыймылсыз денеси жерге кулап түшкөн. Окуя болгон жерге "Тез жардам" кызматы чакырылган, алар жабырлануучуга алгачкы медициналык жардам көрсөтүшкөндөн кийин дем ала баштаган. Ал жакынкы ооруканага жеткирилген, учурда дарыгерлердин көзөмөлүндө. Окуянын чоо-жайы аныкталууда, аял 9-эмес 11-кабаттан да кулап түшкөн болушу мүмкүн", - деп айтылат маалыматта.

Автор: Мальвина Уметбекова