Орусияда эс алууга барган аял караңгыда чалынып, бийиктиги 20 метр болгон жардан кулап кетти

Орусияда эс алууга барган аял караңгыда чалынып кетип, бийиктиги 20 метр болгон жардан кулап түштү. Бул тууралуу орусиялык маалымат каражаттары жазып чыкты.

Маалыматка ылайык, Краснодар аймагындагы эс алуучу жайлардын бирине келген 51 жаштагы турист аялдын эс алуусу оор жаракаттар менен аяктады.

"Түн ичинде аял сыртка чыгып, чалынып кетип жардан кулап кеткен. Ал суунун таштуу жээгине түшүп калган. Таштын үстүндө эс-учун жоготуп жаткан аялды башка эс алуучулар көрүп, куткаруучуларды чакырышкан. Окуя болгон жерге келген куткаруучулар жабырлануучу колу жана белинен жаракат алганын айтып, аны жакынкы ооруканага жеткиришкен", - деп айтылат маалыматта.

Автор: Мальвина Уметбекова