Кытайда тоодо көчкү жүрүп, 5 адам каза болду

Кытайда тоодо көчкү жүрүп, 5 адам каза болду. Бул тууралуу чет элдик маалымат каражаттары жазып чыкты.

Маалыматка ылайык, адам өмүрүн алган кырсык Шэньси провинциясында кечээ, 18-июнда орун алган.

"Тоо боорунда казуу иштерин жүргүзүп жаткан кызматкерлерди тоодо жүргөн көчкү басып калган. Алгач көчкүнүн алдынан 3 адам чыгарылган. Аларга медициналык жардам көрсөтүлгөнү менен, оор жаракаттардан улам каза болуп калышкан. Кийин көчкүнүн алдынан 2 кызматкердин жансыз денеси табылган. Учурда кырсык эмне себептен болгону аныкталып, полиция кызматкерлери тергөө амалдарын жүргүзүүдө", - деп айтылат маалыматта.

Автор: Мальвина Уметбекова