Британияда сүйүктүүсү менен баш кошкон киши бир нече сааттан кийин каза болду

Британияда сүйүктүүсүнө баш кошкон киши бир нече сааттан кийин көз жумду. Түгөйлөрдүн үйлөнүү тою ооруканада болгонун чет элдик басылмалар жазып чыгышты.

51 жаштагы Ник Гловер сүйүктүүсү менен жай мезгилинде баш кошууну пландаган. Бирок жазында ден соолугу начарлап, ооруканага кайрылган. Дарыгерлер бейтап уйку безинин рагына кабылганын, илдет тез өөрчүп жатканын айтышкан.

Ник Гловер апрель айында ооруканага жаткан. Дарыгерлер ага аз күндүк өмүрү калганын, сүйүктүүсү менен баш кошуп алуусун айтышкан. Бейтап макул болуп, түгөйлөрдүн тою ооруканада орун алган. Тойго алардын досу, бир тууганы жана бейтапкананын кызматкерлери катышкан. Сүйүшкөндөр расмий түрдө жубайлар деп жарыялангандан кийин Ник Гловер каза болгон.

Автор: Бактыгүл Момбекова