Кувейтте мээ кайнаткан ысык орун алып, абанын температурасы 63 градуска жетти

Кувейтте мээ кайнаткан ысыктан 5тен ашык адам каза болду. Учурда абанын температурасы 63 градуска жеткенин чет элдик басылмалар жазып чыгышты.

Маалыматка ылайык, мээ кайнаткан ысык 8-июнда башталган. Анда абанын температурасы көлөкөдө 52 градусту көрсөтсө, күнгө чыкканда 63 градусту көрсөткөн. Мындай ысыктан 5тен ашуун адам каза болсо, бир нече адам ысыктан жабыркап жатканы маалымдалган. Өлкө бийлиги тургундарды эшикке чыкпоого, сууну көп ичүүгө чакырды.

Буга чейин 1913-жылы Калифорнияда күндүн ысыгы 56,7 градуска жетип, дүйнөлүк рекордду жасаган.

Автор: Бактыгүл Момбекова