АКШда электрондук тамеки чеге коём деген жигит бир нече тишинен айрылып, жаагынан жаракат алды

АКШнын 17 жаштагы тургуну электрондук тамекини үй шартында чегип, жаракат алды. Чет элдик басылмалар электрондук тамеки жарылып кеткенин жазып чыгышты.

17 жаштагы Остин Адамс тамекини таштоо максатында вейп чегүүнү туура көргөн. Ал электрондук тамекини колдонуп баштаганда жарылып кеткен. Натыйжада Остин Адамстын бир нече тиши түшүп, жаагынан жаракат алган. Өспүрүмдүн апасы вейпти өзү алып бергенин айткан. Адистер электрондук сигареттин жарылуусуна анын кубаттагычынын өтө ысып кетиши себеп болушу мүмкүн деген.

Бул ишти жергиликтүү санитардык көзөмөлдөө башкармалыгы колго аларын, электрондук тамекилерди өндүрүүчүлөр жаңы эрежелерди иштеп чыгарын билдирген.

Автор: Бактыгүл Момбекова