Өспүрүмдөр арасындагы күрөш боюнча Азия чемпиондугуна бара тургандар аныкталды

Өспүрүмдөр арасындагы күрөш боюнча Азия чемпиондугуна бара тургандар аныкталды. Бул тууралуу Жаштар иштери, дене тарбия жана спорт агенттигинен билдиришти.

Маалыматка ылайык, биринчилик бүгүн, 9-июлдан 14-июлга чейин Таиланддын Чонбури провинциясында өтөт. Мелдешке Кыргыз өлкөсүнүн атынан кыздар, балдар, жалпысынан 16 спортчу катышып, алар грек-рим, эркин күрөш боюнча ат салышат.

Кыргыз курамасынын тизмеси:

55 килограммга чейинки салмак ченинде – Куттубек Абдыкерим уулу;
60 килограммга чейинки салмак ченинде – Бекназар Бакытбек уулу;
63 килограммга чейинки салмак ченинде – Нурсултан Махмудов;
70 килограммга чейинки салмак ченинде – Нуржигит Кеңешбек уулу;
72 килограммга чейинки салмак ченинде – Алмазбек Бегалиев;
77 килограммга чейинки салмак ченинде – Акылбек Талантбеков;
82 килограммга чейинки салмак ченинде – Даулет Айдарбеков;
87 килограммга чейинки салмак ченинде – Азат Салидинов;
97 килограммга чейинки салмак ченинде – Данияр Шеримбеков.