Жаш акын Перизат Алмаз кызы Казакстандын Абай медалы менен сыйланды. Сыйлык "Казак-Кыргыз адабий-маданий алакаларын жүргүзүп, Абайды Манастын тилинде сүйлөткөнү үчүн" берилген. Бул тууралуу Кыргыз улуттук жазуучулар бирикмесинен билдиришти.
Маалыматка ылайык, бул медаль акынга Казакстандын борбору Нур-Султанда өтүп жаткан "Евразия борборлорунун жазуучулары" эл аралык форумунун алкагында тапшырылды.
4-5-июлда Нур-Султанда өткөн иш-чарага Кыргыздын атынан Кыргыз улуттук жазуучулар бирикмесинин төрагасы Нурлан Калыбеков жана жаш калемгер Перизат Алмаз кызы катышкан. Форум Казакстан жазуучулар бирикмесинин демилгеси менен алгачкы ирет уюштурулуп жатат.
