Казакстандын премьер-министри иш сапары менен Кыргыз жергесине келди

Бүгүн, 8-августта Казакстан Республикасынын премьер-министри Аскар Мамин Евразия өкмөттөр аралык кеңешинин мааракелик жыйынына катышуу үчүн Кыргыз өлкөсүнө иш сапары менен келди.

Аскар Маминди Тамчы айылындагы "Ысык-Көл" эл аралык аэропортунан вице-премьер-министр Замирбек Аскаров тосуп алды.

Иш-сапардын алкагында Аскар Маминди президент Сооронбай Жээнбеков кабыл алат.

Евразия экономикалык биримдигинин мүчө мамлекеттеринин өкмөт башчыларынын катышуусундагы Евразия өкмөттөр аралык кеңешинин кезектеги жыйыны 2019-жылдын 9-августунда Ысык-Көл облусунун Чолпон-Ата шаарында өтөрү маалымдалган.

Автор: Бактыгүл Момбекова