КСДПнын өкүлү Кундуз Жолдубаева сурак берип бүткөндөн кийин бошотулду

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

КСДПнын өкүлү Кундуз Жолдубаева сурак берип бүткөндөн кийин бошотулду. Бул тууралуу жактоочу Замир Жоошев социалдык тармактагы баракчасына жазып чыкты.

Маалыматка ылайык, ал атайын кызматтын жоокерлерин барымтага алуу боюнча Ички иштер министрлигинде күбө катары сурак берген.

8-августта Кой-Таш айылында экс-президент Алмазбек Атамбаевдин үйүндө аны кармоо үчүн күч түзүмдөрүнүн экинчи операциясы орун алды. Буга чейин 7-августта болгон операция ийгиликсиз аяктап, андан 36 адам жаракат алып, 1 атайын даярдыктагы кызматтын аскери каза болгон.

Автор: Жылдыз Джускембаева