"Кыргыз темир жолу" ишканасынын өкүлү 8 килограмм баңгизат менен кармалды

Баңгизаттарды көзөмөлдөө мамлекеттик кызматы тарабынан Кыргызстан аркылуу Орусияга жөнөтүлүп жаткан баңгизат колго түштү. Бул тууралуу 8-августта аталган мекеменин басма сөз кызматы билдирди. Баңгизаттарды ташууга катыштыгы бар деп 7-августта саат 01:00 чамасында Бишкек шаарынын Туңгуч районунан 1971-жылы туулган “Кыргыз темир жолу” ишканасынын кызматкери Б.А. кармалган. Ага тиешелүү баштыкты текшерүүдө ичинен 7 килограмм 941 грамм баңгизаты табылган. Колго түшүрүлгөн баңгизаттар Орусияга жөнөтүлмөкчү болгон. Бул факты боюнча кылмыш иши козголуп, тергөө иштери жүрүп жатат.

Автор: Кайрат Кенжебаев