"Аны да какшап жүрүп араң алдык". Контейнер мектептин ачылыш аземи талкууга түштү

Интернет тармагында контейнер мектептин ачылыш аземинен тартылып алынган сүрөт талкуу жаратты. Анда интернет колдонуучулар "ачкандары контейнер мектеп, бирок ачылышка бир нече аткаминерлер келген" деп сындашууда.

Нарын облусунун Нарын районуна караштуу Кеңеш айылындагы Казаалы Абиров атындагы орто мектебин Өзгөчө кырдаалдар министрлиги кыйроо абалында турат деп тизмеге киргизген. Мындан улам окуучулардын ал мектепте окуусуна тыюу салынган. Учурда аталган айылдагы окуучулар жаңы окуу жылын контейнерде окуу менен баштады. Бул тууралуу өкмөттүн Нарындагы өкүлчүлүгүнүн басма сөз катчысы Майрамбек Өмүрбаев SUPER.KG порталына билдирди.

“ӨКМ мектепти авариялык мектеп деп каттаган. Мектеп коопту абалга келгендиктен, айылга мобилдик мектеп деп алты контейнер алып келип беришкен. Ал жерде окуучулар кадимки эле эки нөөмөт менен окушат. Имарат азыркы учурда курулуп баштала электигине байланыштуу, мобилдик мектептерде окуучулар кышында дагы билим алышат. Контейнерлер атайын окуучуларга ылайыкташкан, жылуулук менен камсыз болгон контейнерлер экен”, - деди Майрамбек Өмүрбаев.

Ал эми аталган айыл өкмөтүнүн башчысы Улан Алсеитов төмөнкүлөргө токтолду:

"Биздин мектеп көп жыл мурун жыгачтан курулган мектеп болчу. Мектеп кулайын деп, үстү ачылып, салаңдап турат. ӨКМ мектептин авариялык абалда экенин 2015-жылы эле чыгарган. Ушул күнгө чейин түзөтүп, жөлөтүп, тросс менен тарттырып окуп келдик. Жазында ӨКМ кайра келип, мектепте окуганга такыр болбойт деп эскертүү берген. Андан кийин чатыр алып келип, убактылуу окутабыз деген убадалар дагы болгон. Кийинчерээк чатырдан дагы дайын жок болуп кетти. Күзгө чейин кайрылып отуруп контейнерлерди эми жиберишти. Мектеп жараксыз абалда тургандыктан кышында дагы балдарыбыз ушул мектепте окууга аргасыз. 2015-жылдан бери кайрылып эле келебиз, бирок жыйынтык болбой жатат. Мектептин сметасы эсептелинип, долбоору түзүлүп бүттү. Бюджет жагын карап, титулдук баракка киргизип берсе жакшы болмок. Жок дегенде казса, кийинки жылы курулушун бүтүрүп алмакпыз”, - дейт айыл башчы.

Бул 6 контейнерде бүгүнкү күндө 172 бала билим алып жатканын кошумчалады ал.

Бир сүрөттүн баяны: Контейнер мектептин ачылышы талкууда

Автор: Гүлшат Ысамамат кызы
Фото: Улан Алсеитов

16:04 03-09-2019

Жазылуу

РУБРИКАДАГЫ СОҢКУ КАБАРЛАР

20:26 2025-05-20 | Коом жана турмуш

Бишкектиктер "Менин шаарым" тиркемеси менен эми эвакуацияланган унааларын аныктаса болот. Кантип? 85 0

19:59 2025-05-20 | СОТТУК ИШТЕР

Акталган 7 журналист: Чет жакка чыгуу боюнча аларга карата коюлган чектөө алынбай жаткандыгы айтылды 161 0

19:02 2025-05-20 | Коом жана турмуш

Эверестке бара жаткан Рысгүл Акимжанова 8400 метрден артка кайтты (видео) 809 0

18:30 2025-05-20 | Элдик кабар

ЭЛДИК КАБАР: Бишкектин Жал районундагы №22 үйдүн дубалдары урап, жашоочуларга кооптуулук жаралууда (видео) 498 0

17:53 2025-05-20 | Саясат

Депутат: "TikTok 20-30 кишинин айынан эле жабылып калыптыр" 592 0

17:21 2025-05-20 | Коом жана турмуш

"Жаны бар, бирок адам болбой калгандарды көрдүм" дейт альпинист айым Рысгүл Акимжанова (видео) 1304 0

Архив

Комментарийлер (6)

gute

2019-09-03 16:11:22

Туура кыйратып койгонсуп барышкан тура как будто 2 этаж мектеп салып коюшкансып. Булар наоборот байкуш мугалимдерди банкрот кылып кетиштида конок болушуп

+11

Tolik777

2019-09-03 16:25:15

Премьер барып ачпабтырда.

+11

katerina.li

2019-09-03 16:38:45

Ии айланайындар ай,деги кайсы доордо жашап жатавыз??? Ушундай биздин олкодо эле барбы контейнере окуган??

Samatalibei

2019-09-03 17:04:21

Темирден аябай сапаттуу мектеп салып бердик деп кыйын болуп барышканго.

talaa11

2019-09-03 23:51:36

Бир отоло Жеенбеков менен Абылгазиев барбаптырда ачылышына лента кыркканы

Azatbek.Svoboda.

2019-09-10 12:35:59

Былтыр да быйылда айылдарды онуктуруу жылы деп жарыяланды беле?!Эмики жылы да ошондой жарыялагыла.Кыйналбай эле жепжутар дупутаттарды санариптештируу онуктуруу деп эле жарыялап койгула!

Комментарий калтыруу үчүн өз ысымыңыз менен кириңиз же каттоодон өтүңүз.