Жайылда 5 миллион сом жана баасы 12 миң долларды чапчыган алтын буюмдар уурдалган. Шектүүлөр кармалды

Чүй облусунун Жайыл районунда 5 миллион сом жана алтын зер буюмдарды уурдаган деген шек менен 2 жаран кармалды. Мындан тышкары бул кылмыш ишине катыштыгы бар делинген шектүүлөр аныкталды. Учурда сотко чейинки ачылган кылмыш иши улантылып жатканын Чүй ОИИББинин басма сөз кызматынан билдирди.

Маалыматка ылайык, ушул жылдын 24-апрелинде Жайыл РИИБине 60 жаштагы Бөксө-Жол айылынын Ш.Ш. аттуу тургуну кайрылган. Арыздануучу эртең менен саат 09:00дөн 18:00гө чейинки убакыт аралыгында анын үйүнө кирип темир сейфин уурдап кеткен белгисиз жарандарга карата чара көрүүнү суранган. Сейфтин ичинде 5 миллион 140 миң сом жана 12 миң долларды түзгөн алтын зер буюмдар, үйүнүн документтери болгон.

Бул факт Кылмыштардын жана жоруктардын бирдиктүү реестрине "уурулук" беренеси менен катталып, сотко чейинки өндүрүш иши ачылган.

Ыкчам тергөө иштеринин алкагында, 2 суткадан кийин темир сейф Аламүдүн району тараптан табылган. Иликтөө иштери улантылып, милиция кызматкерлери "Коопсуз шаар" долбоорунун жардамы менен шектүүлөрдүн айдап жүргөн унаасын аныкташкан. Тергөө амалдары улантылып шектүү катары Ысык-Көл облусунун 25 жаштагы А.Ч. аттуу тургуну Бишкек шаарынан кармалган. Экинчи шектүү Бостери айылынан сентябрда кармалды. Ал 34 жаштагы А.А. аттуу тургун экени аныкталганы жазылат маалыматта.

Автор: Бактыгүл Момбекова

13:25 12-09-2019

Жазылуу

РУБРИКАДАГЫ СОҢКУ КАБАРЛАР

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 76 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 300 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 278 0

20:14 2025-06-09 | Коом жана турмуш

Бишкекте 61 жаштагы Алтын Эрматова дайынсыз болууда 424 0

19:58 2025-06-09 | Саясат

Адылбек Касымалиев Өзбекстанга жумуш сапары менен барат 212 0

19:36 2025-06-09 | Коом жана турмуш

Чолпон-Атада Азия өлкөлөрүнүн өкүлдөрү ак илбирсти коргоо үчүн чогулушту 250 0

Архив

Комментарийлер (3)

Take_men

2019-09-12 14:03:11

Көк Жар менен Арча Бешикти тейлеген уурулардын да көбү сакалчан деп угам. Муфтият да өзүнчө иликтөө жүргүзбөсө болбой калды окшойт

ninja82

2019-09-12 16:44:47

сакалына чалынып олсон экен,уурулук кылып жатып. сакалчан аалымдардын бетине коо жаап жатат ушундай мээси жоктор.

Nurik929394nur

2019-09-12 16:53:33

Жазага тартылат тиги акча зер буйумдар эмне болгонун эч еле айтып бергиси келбейтко тергоочулар . Каракчыларды тутуп еле сураса керек буйум акчаларды кайда екенин .

Комментарий калтыруу үчүн өз ысымыңыз менен кириңиз же каттоодон өтүңүз.