Рамзан Кадыровдон үй сурап кайрылган аялдар кайра андан кечирим сурашты

Асет Эльбазурова, Зарема Лорсанова жана Яхмат Митишева аттуу аялдар мындан 20 жылдай мурун Чеченстандан Дагестанга көчүп кетишкен. Бирок алар жакын арада Чеченстандын президенти Рамзан Кадыровдун атына жазылган кат менен кайрылышканын чет элдик маалымат булактары жазышууда.

Маалыматка ылайык, ал аялдар өздөрүнүн катында көчүп кеткенден бери каралашкан эч ким жок экенин, начар шартта кыйналып жашап жатышкандыгын жазып, Кадыровдон үй бөлдүрүп берүүсүн өтүнүшкөн. Катты алган тиешелүү тараптарга алардын үй-жайын, жашаган шартын текшерүү тапшырмасы берилген. Анын жыйынтыгында, Асет Эльбазурова, Зарема Лорсанова жана Яхмат Митишева үчөөнүн президентти алдаганы белгилүү болгон.

"Биринчи маалыматта аялдардын бири карызга батып калып, төлөй албай көчүп кеткен деп айтылган. Экинчи аял болсо үйүндөгүлөр батырбай, үйдөн качып кеткендиги жазылган. Үчүнчүсүнүн окуясын билбейм", - деп жазган Рамзан Кадыров.

3 аял менен чечен президенти жана жогорку кызматтагы адамдар жолугуп, чыныгы абалдары тууралуу маалыматтарды айтып беришкенде жасаган иштерине өкүнүшөрүн айтып ыйлашкан. Андан кийин кечирим сурашкан. Ал эми аткаминерлер алардын эркек туугандарын чакырып, аялдарды аларга өткөрүп беришкени жазылат.

"Бул силердин аялдарыңар. Алардын көйгөйү силердин көйгөйүңөр. Чечендерде эркектер өздөрүнө жакын аялдарды качан карабай койду эле? Бул уят!", - дешкен аткаминерлер алардын жакындарына.

Автор: Кызжибек Раимова

07:53 13-09-2019

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 411 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 260 0

16:22 2025-05-09 | Супер-Инфо

Геморрой жана анын түрлөрү 319 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1334 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 440 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 861 0

Архив

Комментарийлер (3)

katerina.li

2019-09-13 08:30:38

Орусча айтканда проблеманы с больной головы на здоровую откоруп коюптур да. Кыйналганынан жазып атыышкандыр да,кайра озулорун ыйлатып кечирим суратканына жол болсун.

KAYRATBEK

2019-09-13 14:38:13

Биз дагы оз карындаштарыбызга эжелерибизге аялдарыбызга конул бололу. Эмне кийип эмне ичип каякта кантип журушуно. Биз эркектер Аллахка ант ичем эжелерибиз карындаштарыбыз аялдарыбыз учун созсуз Аллахтын астында жооп беребиз.

+11

Jacob.

2019-09-13 22:44:11

Аткаминерлери эркек экен! Эркекче сөздү айтышыптыр.

-2

Комментарий калтыруу үчүн өз ысымыңыз менен кириңиз же каттоодон өтүңүз.