Күрөш боюнча Дүйнө чемпиондугу: Тынар Шаршенбеков алгачкы атаандашын жеңип, экинчи беттеште утулуп калды

Күрөш боюнча дүйнө чемпиондугу Казакстандын борбор шаары Нур-Султанда бүгүн, 14-сентябрда башталды.

Дүйнө чемпиондугунда кыргыз балбаны Тынар Шаршенбеков алгачкы атаандашы болгариялык Румен Савчевди 8:1 эсебинде утуп, чейрек оюнга жолдомо алган.

Чейрек финалда экинчи атаандашы япониялык балбан Шиноби Отага 12:4 эсебинде жеңилип калды.

Эртең, 15-сентябрда Шаршенбеков коло байге үчүн Беларусь өлкөсүнүн балбаны менен беттешет.

Чемпиондукка Кыргыз өлкөсүнөн 22 балбан катышууда. Аталган чемпиондукта Япония өлкөсүндө өтүүчү олимпиада оюндарына жолдомо ойнотулуп жатат.

Автор: Гүлшат Ысамамат кызы