Индияда 4 буттуу, 3 колдуу ымыркай төрөлдү

Индиянын Раджастан деп аталган штатында төрт буттуу жана 3 колдуу ымыркай жарык дүйнөгө келди. Чет элдик басылмалардын маалыматына ылайык, мындай дене түзүлүштөгү ымыркай мамлекеттик төрөтканалардын биринде төрөлдү.

Анын апасы 24 жашта, бул кыз менен кошо эгизин эркек бала төрөгөн. Анын саламаттыгы жакшы.

"Эне кош бойлуу кезинде бир жолу да УЗИден текшерилген эмес. Дарыгерлер 3 эм төрөлүшү мүмкүн болчу, бирок түйүлдүктүн бири толук жетиле албай экинчи балага жабышып калган деп божомолдошууда. Ымыркайдагы кошумча буттар жана кол анын көкүрөгүндө жана ичинде. Дарыгерлер аны операция жолу менен алып салууну пландашууда. Бирок кыздын жаңы төрөлгөндө дем алуусу начар болуп, жасалма дем алдырып жатышкан. Эми абалы туруктуу боло баштады", - деп жазылат маалыматта.

Автор: Кызжибек Раимова