"Кыздар кыйкырык салган тойдогу массалык мушташ" деген видео тарады. Бул боюнча милициянын маалыматы

Интернет тармагына массалык мушташ чыккан учурда тартылган видео тарады. Анда мушташ той учурунда чыкканы көрүнөт. Мушташып жаткан адамдардын кыймылы даана көрүнбөгөнү менен аны карап турган кыздардын кыйкырыгы кимдир бирөөнү катуу сабап жаткандай ой калтырат.

Бул боюнча ички иштер органдарына кайрылганыбызда окуя Жалал-Абад облусунда болгондугун билдиришти. Жалал-Абад облустук милициясынын басма сөз кызматы ал жерде көпчүлүк болгондуктан абалды мушташка жеткирбей ортодогулар эки тарапты бөлүштүрүп калганын белгиледи.

"Мушташ ушул жылдын 19-октябрь күнү болжол менен саат 17:00 чамаларында Ноокен районуна караштуу Достук айылындагы "Шаркыратма" кафесинде болгон. Бул факты боюнча Таш-Көмүр шаардык жана Ноокен райондук ички иштер бөлүмүнүн тергөө-ыкчам тобу окуя болгон жерге барып териштирди.

Анда белгилүү болгондой, Аксы районунун Кызыл-Жар жана Таш-Көмүр шаарынын тургундарынын үйлөнүү тою өтүп жатканда, анын катышуучулары арасында мушташ чыккан. Мындан улам 25 жана 23 жаштагы 2 жаран ооруканага жеткирилип, кайра үйүнө чыгарылган.

Тасмада көрүнүп тургандай жаңжал массалык мушташка жеткен эмес, болгону эки тарапта тең көпчүлүк болушкан жана ортодо балдар ажыратып калышкан. Бирок эки тарап тең арыз жазуудан жана дарыгерлерге көрүнүүдөн баш тартышкан. Ошого карабастан, факты боюнча Ноокен РИИБи Кылмыштардын жана жоруктардын бирдиктүү реестрине "Ээнбаштык" (266-берене) беренеси менен катталып, сотко чейинки өндүрүшкө алынды. Учурда тергөө жүргүзүлүүдө", - деп жазылат маалыматта.

17:55 25-10-2019

Тойдо массалык мушташ чыкты

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

21:21 2024-05-09 | Саясат

Садыр Жапаровдун Орусияга болгон иш сапары аяктап, Кыргызстанга кайтып келди 559 0

20:03 2024-05-09 | Коом жана турмуш

Ошто мектеп бүтүрүүчүлөрүнө унаа башкарууга тыюу салынат 368 0

19:08 2024-05-09 | Коом жана турмуш

Ошто Улуу Жеңиштин 79 жылдыгы салтанаттуу белгиленди 322 0

18:35 2024-05-09 | Коом жана турмуш

Башкы прокурор кыргызстандыктарды Улуу Жеңиш күнү менен куттуктады (видео) 295 0

18:02 2024-05-09 | Саясат

Эдил Байсалов Нарын облусундагы согуштун ардагерлеринен кабар алды 368 0

17:22 2024-05-09 | Коом жана турмуш

Бишкекте башаламан соода кылгандарга карата рейд уланууда 581 0

Архив

Комментарийлер (5)

KAYRATBEK

2019-10-25 18:22:02

Эээ укаларим ХХХХХ, денени боош коюп жоон эле тыынч эле жургулочу. Бироо жарым кокустук болуп олуп калса, майып болуп калса кимге пайда кимге зыян. Ушуну ойлодунарбы? ХХХХ. Баарынарга Кудай Таалам ынсап берсин.

+16

didu

2019-10-25 19:53:59

кыйкырган кыз башка нерсе менен алектенип жаткан жокпу

+20

Skarlett-Skarlett

2019-10-25 22:36:13

Чычкактар десе.Тобо келтирип эле тынч журсонор.Ансыз да омур кыска

atanazarov10

2019-10-26 01:45:16

Кыз озунчо эле паника кылат го. Кыйкырган кыз соо эсен жанында бироо бар жигити)))

ilgizk

2019-10-26 06:32:29

Кыз кыйкырып көнүп калган окшойт ...

Комментарий калтыруу үчүн өз ысымыңыз менен кириңиз же каттоодон өтүңүз.