Кочкор-Атанын "Нефтчи" клубу алгачкы жолу Кыргыз өлкөсүнүн Кубогун утуп алды

Жалал-Абад шаарында 27-октябрда өлкө Кубогунун финалы өтүп, анда Кочкор-Атанын "Нефтчи" клубу "Дордой" менен кез келди.

Оюн "Курманбек" стадионунда өтүп, кочкор-аталык команда 1:0 эсебинде утуп алышты. Жалгыз голду Азамат Өмүралиев 64-мүнөттө киргизди. Муну менен "Нефтчи" өз тарыхында алгачкы ирет өлкө Кубогуна ээ болду.

Буга чейин "Нефтчи" 2010-жылы чемпион болгон. Ал командада азыркы Улуттук курама команданын башкы машыктыруучусу Александр Крестинин ойногон.

Эми "Нефтчи" 2020-жылы Азия футбол конфедерациясынын Кубогу үчүн квалификациялык оюндарга катышат.

Автор: Бактыгүл Султаналиева
Фото: Наталья Угрюмова