Индияда үч суткадан бери тереңдиги 180 метр болгон кудуктан изделип жаткан 2 жаштагы бала каза болуп калды

Индияда үч суткадан бери тереңдиги 180 метр болгон кудукка түшүп кеткен 2 жаштагы баланы чыгара албай жатышкан. Бул тууралуу чет элдик басылмалар жазышты.

Маалыматка ылайык, 25-октябрда Сужит Уилсон аттуу наристе достору менен ойноп жатып, кокусунан кудукка түшүп кеткен. Алгач бала 10 метр тереңдикте турган бирок кечээ ал андан да терең кирип кеткени маалым болгон.

Бүгүн, 29-октябрда куткаруучулар баланы куткаруу үчүн атайын техникаларды, курулушта пайдалануучу бийик крандарды тарткан. "Куткаруучулар атайын каражаттардын жардамы менен кудукка аба киргизип жатышат. Бул баланын дем алып туруусу үчүн жасалып жаткан аракеттер. Азырынча баланы куткаруу операциясынан эч майнап чыкпай жатат", - деп айтылган маалыматта.

Бирок куткаруу иштеринен майнап чыкпай, наристе каза болуп калган.

Автор: Бактыгүл Султаналиева