Төкмө акын Асылбек Маратов уулдуу болду

Белгилүү төкмө акын, "Айтыш" коомдук фондунун тең төрагасы Асылбек Маратов уулдуу болду. Экинчи ирет ата болгон акынды куттуктап байланышканыбызда, ал буларга токтолду.

"Жубайым Перизат бүгүн, 31-октябрда борбордогу төрөт үйлөрүнүн биринде уулубузду жарык дүйнөгө алып келди. Азырынча уулубуздун салмагын, боюн өлчөй элек. Уулубузга ысымды кеңешип анан ыйгарабыз. Эне-баланын акыбалы жакшы", - дейт ал.

Асылбек Маратовдун жубайы Перизат Ишенбекова радио тармагында иштейт. Жубайлар 2 жыл мурда уулдуу болушкан.

Автор: Бактыгүл Момбекова