Мамлекеттик чыккынчылыкка айыпталып, соттолгон Алтынбек Муралиев жатак абакка которулду

Алтынбек Муралиев октябрь айынын ортосунда жатак абакка которулду. Бул тууралуу Жазаларды аткаруу мамлекеттик кызматынан билдиришти.

"Буга чейин Жогорку Сот Муралиевдин ишин карап чыгып, жаза мөөнөтүн 10 жылга кыскарткан. Ошондой эле тергөө убагында СИЗОдо отурган бир күнү эки күнгө эсептелген. Ал эми ушул айдын ортосунда ал үч жылга сынак мөөнөтү менен жатак абакка которулду", - деди басма сөз кызматынан.

2016-жылы Бишкек шаарынын Биринчи Май райондук соту Алтынбек Муралиевди 12 жылга эркинен ажыраткан. Бул чечимге макул болбогон айыпталуучу менен анын жактоочусу шаардык сотко апелляциялык арыз менен кайрылышкан. Ал эми Бишкек шаардык соту Алтынбек Муралиевди 22 жылга эркинен ажыраткан.

Айта кетсек, Алтынбек Муралиев Кыргыз Республикасынын Өкмөтүнүн Аппаратынын эл аралык кызматташтык бөлүмүнүн башчысы милдетин аткарып турган убакта “жашыруун сырды түзгөн маалыматтарды чет өлкөлүк уюмдарга берген” деген күнөө менен 2014-жылдын 1-ноябрында кармалган. Ал 1999-2000-жылдары премьер-министр болгон Амангелди Муралиевдин баласы.

Автор: Айсалкын Качкынбекова