Төкмө акын Акжолтой Канатбек уулу катышкан жол кырсыгында каза болгондордун аты-жөнү такталды

Майра Керим кызынын уулу, төкмө акын Акжолтой Канатбек уулу жол кырсыгына кабылып, каза болгону маалымдалган. Кырсыктын кесепетинен 4 адам каза болуп, дагы бирөө жаракат алып, ооруканага жаткырылган.

Нарын облустук Ички иштер бөлүмүнүн маалымат кызматынан каза болгондордун жана жаракат алган адамдын аты-жөнү такталганын билдиришти.

"Кочкор-Балыкчы жолунда Норд Бенз жүк ташуучу унаа менен Субару Импреза үлгүсүндөгү жеңил унаа сүзүшкөн. Жүк ташуучу унааны Балыкчы шаарынын 43 жаштагы тургуну И. М. башкарып келе жаткан. Ал эми жеңил унаа Кочкор районунун Орток айылынын 27 жаштагы тургуну А. уулу Ж. аттуу жарандын башкаруусунда болгон", - деп айтылат маалыматта.

Кырсыктын кесепетинен каза болгондор:

Жеңил унаанын айдоочусу 1992-жылы туулган А. уулу Ж.;

2000-жылы туулган Ж. уулу К. Кочкор районунун Ормон-Хан айылынын тургуну (жүргүнчү);

1993-жылы туулган Акжолтой Канатбек уулу жердиги тактала элек (жүргүнчү);

Жашы болжол менен 25-30 чамасындагы аты-жөнү тактала элек жаран.

Ал эми Ош облусунун Кара-Суу районунун 1999-жылы туулган А. Ы. аттуу тургуну денесинен оор жаракат алып, Кочкор райондук ооруканасынын жандандыруу бөлүмүнө жаткырылган.

Жол кырсыгы боюнча окуя болгон жерге кароо жүргүзүлүп, соттук-медициналык, соттук-автотехникалык экспертизалар дайындалды. Териштирүү иштери жүргүзүлүүдө.

12:51 11-11-2019

4 адамдын өмүрүн алган кырсык. Акын Акжолтой Канат уулу каза болду

Автор: Бактыгүл Момбекова

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 414 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 863 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 692 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 680 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 531 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 1017 0

Архив

Комментарийлер (7)

bond02

2019-11-11 13:37:34

Жалан жаш балдар экен да.

Erik2018

2019-11-11 14:46:26

Кандуу жол Кандуу согуштанда жаман кырдыго кыргызды

Atas

2019-11-11 20:28:53

Erik2018,Кытайлар курган жол далай адамдын өмүрүн алгана калды трасса кенен эмес

Aimani

2019-11-11 16:49:06

Келинчеги да бар экен го каза болгондордун арасында. Жаңы эле уйлонуптур да шордуу

Aikaaaa

2019-11-11 18:57:40

Кочкорго кар жааптыр эле, балким ошондон да тайгаланса керек

555-777

2019-11-11 21:00:31

Аты-жөнү такталды, деп С.Р, М.Н, А.Л деп койгонуңар кантет? Андан көрө жазбай эле койгулачы!

Негизи жолдорубуз аябай тар, ичке салынган, ошон үчүн авариялардын 80-90 пайызы каршылаш келип калгандан чыгып жатат. Жолду эки жака эки катардан унаа кете турган кылганыңарда, ойлонбой эле обгонго чыга беришмек. Өзү жол 18 метр болуш керек болсо, биздин арстандар 12 метрге кичирейтип, 8 метрин жеп коюшууда. Ал акчаны жегениңер, элди өлтүрүп, канын ичкендей эле болуп жатасыңар.

+13

Ziregim

2019-11-11 22:13:59

Жолдун тардыгынан эмес коп кырсыктар жол эрежелерин сактабагандыктан чыгат

Комментарий калтыруу үчүн өз ысымыңыз менен кириңиз же каттоодон өтүңүз.