"Жаңы-Муун" волейбол командасы Өзбекстанда өткөн эл аралык мелдеште коло байге жеңди

Кыргыз өлкөсүнүн "Жаңы-Муун" командасы Өзбекстанда өткөн эл аралык мелдеште коло медаль утту. Бул тууралуу SUPER.KG порталына Волейбол федерациясынан билдиришти.

Мелдеш 8-10-ноябрь аралыгында Ташкент шаарында өткөн. Буга Өзбекстан, Түркмөнстан, Тажикстан курама командалары жана Ысык-Көлдүн "Жаңы-Муун" командасы катышкан.

"Жаңы-Муун" Өзбекстанга 0:3 эсебинде жана Түркмөнстанга 1:3 эсебинде жеңилсе, Тажикстанды 3:2 эсебинде жеңип алган. Жыйынтыгында 3-орунду алган.

Мелдеште Өзбекстан курама командасы жеңүүчү аталган.

Автор: Адилет Керимбек уулу