Волейбол боюнча Азия чемпиондугу: Кыргыз курама командасы Ооганстанды жеңди

Бангладеште өтүп жаткан волейбол боюнча кыз-келиндер арасындагы аймактык Азия чемпиондугунда Кыргыз курама командасы 4-турда Ооганстан менен ойноду.

Оюнда кыргыз волейболчулары активдүү болуп, катары менен 3 партияны жеңишти. Жыйынтыгында 3:0 эсебинде жеңишке жетишти. Оюнда "Салам-Алик" командасынын спортчусу Алия Шумкарбекова беттештин мыкты оюнчусу аталды.

Бул жеңиш менен Кыргыз курама командасы тайпада 3-орунга көтөрүлдү. Бүгүн, 13-ноябрда Кыргыз курамасы Бангладеш менен ойнойт.

Турнирдик жадыбал:

1. Непал — 9 упай

2. Мальдив аралдары — 8 упай

3. Кыргыз өлкөсү — 4 упай

4. Бангладеш — 3 упай

5. Ооганстан — 0 упай

Автор: Адилет Керимбек уулу